Jarascada Guías de Montaña y Naturaleza
En Jarascada cunten con más de 15 años d'esperiencia y formación específica en avistamientos d'osos, una actividá apta pa tolos públicos con grupos reducíos. Amás, vas dir acompañáu d'un biólogu y un espertu n'osu pardu. P'avistalos cola mayor precisión posible, los guíes de Jarascada van apurrite'l material necesariu, esto ye, telescopios y prismáticos de primer calidá, amás de comentar anécdotes, intereses y esperiencies col osu pardu, coles mires de que los participantes na actividá puedan conocer de la manera más completa posible sobro la ecoloxía y la vida de los osos selvaxes de Asturies. Les próximes salíes programaes van ser los sábados y domingos d'abril y mayu. Les actividaes tán diseñaes pa qu'empiecen en Proaza o Cangas mientres esti periodu primaveral, pero si tas pensando pal branu, tamién van ufiertar guíes na zona de Somiedu. ¿A qué esperes p'apuntate?
Teléfonu: 615 121 428 / 650 26 80 05
Páxina web: www.jarascada.es
Síguilos en Facebook ya Instagram
Somiedo Experience
En Somiedo Experience conocen de bona manera cómo afrontar l'avistamientu d'osos, yá que ye una de les zones onde l'animal tien una mayor presencia. Nesta actividá que'l negociu propón, non solo vas conocer la vida del osu nos montes, sinón que tamién quieren enseñate'l funcionamientu natural y los valores d'un llugar como'l Parque Natural de Somiedu. Asina, cada actividá que realicen resulta única ya irrepetible, yá que los sucesos de la naturaleza nun asoceden de la mesma manera y va depender del comportamientu de la fauna y de la climatoloxía del momentu. L'actividá dura cuatro hores y realízase en grupos reducíos d'hasta 8 persones, con un horariu de mañana y otru de tarde y dende Somiedu Experience te van facilitar tol material por que la esperiencia seya bien gratificante. Nun lo pienses más y avérate a conocer cómo ye la vida de los osos.
Dirección: 33840 La Pola Somiedu
Teléfonu: 657 08 19 53
Páxina web: somiedoexperience.com
