Siguiendo na llínea d'aquelles muyeres asturianes que marcaron na hestoria, güei traémosvos a les cuatro cantantes femenines más famoses que salieron de la nuesa tierra.
Beatriz Rodriguez
Bien conocía por tar siempre acompañada del so acordión, Beatriz nació en Cangas del Narcea y lleva 17 años de carrera poniéndo-y ritmu a toles fiestes de prau que visita.
Pese que la so andadura nesti sector empezó en solitariu, va pocos años decidió arriesgase y dar forma a daqué que siempres quixo: formar un grupu. La formación de Grupo Beatriz ye una composición senciella onde lleva'l protagonismu ella y el so acordión, xunida a dos grandes voces masculines como Jorge Casado y Manu Magariños.
Anguaño, cuenta con nueve discos nel mercáu y unes xires poles fiestes de prao más conocíes d'Asturies que, tamos seguros, va retomar en cuanto la crisis sanitaria lo permita.
_______________________________________________________________________________________________________
Ana Nebot
Esta soprano asturiana nació n'Uviéu en 1975, fía del famosu fotógrafu Jose Manuel Nebot. Llicenciose n'Hestoria del Arte na Universidá d'Uviéu, n'abandonando la carrera de medicina, sabiendo que la so vocación yera la música.
La so andadura polos escenarios empezó en xineru de 1995 matriculándose nel Real Musical, onde pudo ampliar entá más les sos conocencies sobro esti arte. Dempués, perfeccionó la so técnica con Robert Expert y Guy Flechter.
Gracies a ello consiguió faese un buecu nesti mundu ya interpretar famosos roles como «Serpina» de La Serva Padrona y «Amore» de L’arbore di Diana, que tuvo la oportunidá d'interpretar nel teatru del Liceu.
_______________________________________________________________________________________________________
Silvia Quesada
Nacida en Tinéu en 1986, consideráse a esta asturiana una de les grandes voces del folk y el pop n'Asturies. Empezó cola música casi ensin querer al apuntase a gaita y acabar formando parte de la Banda de Gaites Cántara.
Años más tarde entró a formar parte del colectivu «Muyeres» y foi vocal de dellos grupos como «Los Gatos del Fornu» y «Tejedor».
Tres ello, empezó a trabayar en solitariu sacando'l so primer discu en xineru de 2014 «La pena abierta». El so próximu discu promocionolu sacando a la lluz un cantar reivindicativu feminista con un corte pop el mesmu día de la muyer, el 8 de marzu, «La mesma revolución».
_______________________________________________________________________________________________________
Cristina del Valle
La uvieina nacida en 1960 ye una cantante y compositora reconocida tantu n'Europa como en America Llatina por destacar nel so llabor contra la violencia de xéneru.
Nel sector musical, empezó profesionalmente col grupu Vodevil y en trabayando dellos años en solitariu y conocer a Alberto Comesaña co-formó'l conocíu grupu «Amistades Peligrosas» del que destaquen ésitos como: «Me quedaré solo» y «Solo pienso en ti».
Tras separarse el grupo retomó su trayectoria en solitario participando en diversos proyectos musicales e interpretando temas tanto para cine como para mantener su protesta contra la violencia machista.
Fai más de 10 años, el grupu que-y dio la fama volvió xuntase y a día de güei el so proyectu más cercanu ye un discu recopilatoriu polos sos 30 años nesti sector.
