Solimar Hockey Club

Un de los nuesos máximos representantes deportivos n'Asturies ye ensin dulda el Solimar Hockey Club. Apuesta los sos partíos en Xixón nel polideportivu de Matu Jove. El club cunta con equipos Senior Masculín, Senior Femenín y base. Ensin dulda'l que más destaca ye'l senior femenín que milita na OK Lliga Femenina y na máxima competiciones de clubes Europeos.  En cuanto al palmarés del club esti ganó 3 OK lliga, 4 copes de la Reina y en concencia los sos títulos más importantes fueron les 5 copes d'Europa que consiguieron traer a la ciudá xixonesa.

Bm La Calzada

El club de Balonmano de la calzada fundóse nel añu 1996 de la unión de dos clubes: el Balonmano Riscar y l'Asociación Deportiva Balonmano La Calzada teniendo como oxetivu dar visibilidá y crear una ufierta calidable pa satisfacer la demanda de balonmano qu'esistía na zona oeste de Xixón. Anguaño milita na máxima categoría femenina de la RFEBM. Magar que la so constitución foi na década de los 90, l'entamu del proyectu pa consolidar l'ascensu a División Honor empezó nel añu 2013 de la mano del que yá nun ye'l so entrenador Diego Lafuente. Magar la so curtia trayectoria en lligues nacionales, La Calzada consiguió ganar una copa de la reina y un tercer puestu na Lliga Iberdrola.

Mariners

Los Mariners son un equipu de fútbol americano d'Asturies. Esti equipu formóse nel añu 2001 onde unos aficionaos a esti deporte entamaben charres, visites y alderiques. Pali que pali fueron asitiando les bases del equipu. Nun foi hasta l'añu 2001 onde esti equipu da'l saltu a la LNFA llogrando nel so primer añu un fantásticu quintu puestu perdiendo namá partíos contra los hestóricos d'esti deporte.

El fútbol americanu ye un deporte de tradiciones y los Mariners nun son de menos. Una de les tradiciones más representatives ye que los mozos xugadores “grumetes” en debutando col equipu tienen de tomar a rematar la temporada un vasu de grog, una bebida d'orixe marineru.

Bádminton Oviedo

El club naz en 1998 del tresformamientu del club de referencia uvieina, bádminton TAFAD al posterior bádminton Uviéu. Nel añu 2008 el club consigue xubir a la máxima categoría nacional na que milita anguaño. En cuanto al palmarés recién el CBO consiguió los títulos de campeones d'España los años 2015, 2016 y 2018 y nel añu 2020 consiguiéronse proclamar campeones de la Copa d'España Iberdrola. Les bones resultancies nun son namá cosa del primer equipu sinón que l'equipu filial proclámose campeón de la primera nacional.