José Ángel Gayol

Ye un poeta, ensayista, narrador y críticu lliterariu nacíu en Mieres nel añu 1977. Llicenciau en Drechu pola Universidá d'Uviéu y trátase d'un autor esperimentáu tantu n'asturianu como en castellán. Los sos artículos y reseñes apaecen en distintos medios de comunicación como les revistes Atlántica XII, Clarín, Reloj de Arena, Formientu o La Nueva España.

Recibió numberosos premios ente los que pueden destacar el II concursu de rellatos curtios «Xosé Caveda y Nava» nel añu 2018 gracies a la obra «Tolo que sé sobre toles coses«, el premiu Xuan María Acebal nel 2012 cola obra «El llibru de les coses misterioses» y el más recién, el Concurso de Cuentos pola Oficilidá del Asturiano del conceyu de Bimenes con «Dalgunes posibilidades de domótica».

Iris Díaz Trancho

Xixonesa nacida en 1981. Ye profesora de llingua asturiana y lliteratura. Destaquen les sos obres infantil y xuvenil. Ganó premios como'l de lliteratura infantil de l'Academia de la Llingua Asturiana o'l «Concursu de Cuentos Curtios d’El Garrapiellu«. Dalgunos de los sos títulos más conocíos son «Vivo en una casa malva«, «La caxa de cristal» o «La neña de les trences al revés«.

Destaca tamién el so apueste pola ellaboración de llibros de testu de l'asignatura de Llingua Asturiana pa la etapa de primaria. Un trabayu que coordinó al pie de Xulio Berros.

Xurde Álvarez Fernández

Nació nel añu 1973 en Sama. Ye un escritor asturiano y llicenciao n'Alministración y Dirección d'Empreses pola Universidá d'Uviéu. Empieza la so carrera como escritor nel añu 1999 col poemariu de calter social tituláu «La sema«.

Dalgunes de les sos obres destacaes son «No fondero de l’alcordanza de Dios» y «Les llames del to llar antiguu» publicada en 2004, el poemariu «Lo escrito nel silenciu» publicada en 2015. Nel añu 2019 empieza a publicar en pequenes entregues la novela «Una casa» al traviés de la so páxina de Facebook. Amás, hasta la fecha tien publicaes distintes publicaciones, antoloxíes y collaboraciones en revistes.

Irma González-Quevedo Pedrayes

Nació n'Uviéu nel añu 1987. Estudió Enfermería na Universidá d'Uviéu y dempués Filosofía. Sigue la tradición familiar d'escribir n'asturianu qu'empezó la so güela, la escritora Eva González.

Ganó diversos certames como'l de lliteratura «Guzmán Álvarez» en Vil.lablinu o «Astúrica» de Astorga. Amás en dos causes ganó'l premiu convocáu pol Club Xeitu de L.lanciana en dos de les sos modalidaes.