Les manifestaciones multitudinaries de 2018 y 2019

2018 y 2019 fueron años importantes nes celebraciones de manifestaciones con motivu del 8 de marzu, Día Internacional de la Muyer. Como tolos años, Xixón acoyó una vegada más nesos años les manifestaciones d'esi día, onde se proclamaron cientos de mensaxes feministes en favor de la consecución de la igualdá. Estos actos fueron de gran importancia pola cantidá de persones qu'asistieron, con más de 20.000 persones en 2018 y 100.000 persones según la organización na convocatoria de 2019.

La creación de la Asociación Feminista de Asturias

En 1976, poco dempués de la muerte del dictador Francisco Franco, el movimientu feminista asturianu foi capaz de llograr la unidá y constituyise nun colectivu diversu, plural ya independiente, l'Asociación Feminista d'Asturies «Clara Campoamor» (AFA). A lo llargo d'estos postreros casi 50 años el so llabor foi esencial pa lluchar y entender los derechos de la muyer, convocando manifestaciones o realizando actos nos que poder espublizar l'ideariu feminista.

La creación del Instituto Asturiano de la Mujer

L'Institutu Asturianu de la Muyer, adscritu a la Dirección Xeneral d'Igualdá de la Presidencia del Gobiernu del Principáu d'Asturies, foi creáu'l 10 d'agostu del añu 1999, coles mires de desenvolver programes integrales del gobiernu de la Comunidá Autónoma impulsando programes, midíes y servicios que contribuyan a desaniciar la discriminación que sufren les muyeres; impulsar la revisión de disposiciones de calter xeneral para esaniciar d'elles la discriminación por razón de sexu; impulsar midíes empuestes a faer posible l'accesu de les muyeres al empléu, esaniciar les discriminaciones por razón de sexu nel ámbitu llaboral, favorecer la formación continua y promover la iniciativa empresarial de les muyeres; promover la execución de proyectos qu'incidan n'una educación non sexista nos distintos niveles educativos; favorecer el desenvolvimientu de midíes empobinaes al fomentu d'una repartida más equilibrada de les responsabilidaes públicu y priváu, y, a lo último, faer posible la participación y representatividá de les muyeres na actividá social, política y cultural de la comunidá autónoma.

La creación del Plan Estratégico de Igualdad

Dende va tiempu, el Gobiernu de Asturies foi pasu ente pasu incluyendo polítiques d'igualdá. Ye nel añu 2013 cuando apaez el Plan estratéxicu d'Igualdá, col fin de promover la igualdá d'ente homes y muyeres. Anguaño, Asturies atópase regulada nesta materia pol III Plán Estratéxicu d'Igualdá 2020-2023, daqué que Nuria Varela, directora xeneral d'Igualdá, define como un preséu de planificación imprescindible por que la acción de gobiernu contribuya a consolidar los derechos de ciudadanía de les muyeres.