Too asturianu y asturiana conoz que los nuesos xuegos tradicionales formen parte de la nuesa cultura, por ellos, dexámonos a continuación una llista de los cuatro xuegos tradicionales que de xuru practicastis dalguna vegada.

  1. EL CASCAYU

Ye unu de los xuegos tradicionales más populares ente los asturianos, fora d'Asturies ye más conocíu como «la rayuela«. Esto ye porque pa xugar namás precises una piedra y una tiza para pintar nel suelu los cuadraos característicos d'esti cascayu.

El participante llanza la piedra escontra un de los caxellos, numberaes del 1 al 10, evitando tocar el caxellu onde tea la piedra al pasar al pizopé (día y vuelta).

El xugador que toque dalguna raya del caxellu o pierda l'equilibriu va ser el perdedor del xuegu.

2. TIRU DE CUERDA

Ye más habitual ver esti xuegu nes fiestes de prao asturianes, yá que se remembra a les xeres del campu y la mina. Pa xugar namás se necesita una cuerda y una cinta que marque'l centru d'esta.

Nesta tradición predomina la fuerza, estremense en dos grupos y van tirar de la cuerda hasta que la so cinta sobrepase una de les dos marques equidistantes que va haber ente los equipos.

Gana aquel grupu que más vegaes consiga pasar el llazu a la so zona nes trés repeticiones que suelen facer, tollo ensin que nengún participante devase la marca nin se siente nel suelu.

3. LA XARONCA

Pa llevar a cabu esti xuegu precisen fiches metáliques y la conocida «mesa de xaronca», na que s'atopa la xaronca metálica y les distintes zones onde se va introducir la ficha, tales como molinucos, pontes o, a cencielles, furacos.

Consiste en que'l xugador, dixebráu a una distancia averada de 4 metros de la mesa, llanza 10 fiches metáliques coles mires d'introducir el máximu posible na boca de la xaronca, llogrando puntuaciones inferiores si cai n'otres zones de la mesa.

Gana'l xugador o l'equipu que más puntuación llogre en realizando delles rondes. Esti xuegu ye conocíu fora del país como «el juego del sapo«.

4. LA CUATREADA

A lo último, pero non por ello menos importante, la cuatriada ye'l xuegu tradicional más reconocíu de la cultura asturiana. Pa xugalo ye necesario una zona fayadiza onde establecer el castru nel que se van atopar los 9 bolos grandes y el biche.

Esti xuegu tien munches variedaes y normes para llevalo a cabu, pero lo más tradicional ye que'l xugador llance la bola del tiru al castru dende 2 a 6 vegaes y según la xugada van valorar d'una forma o otra la puntuación llograda.

Como ye d'esperar, va ganar l'equipu que llogre una mayor puntuación tres les tiraes.