Arquitectura d'Indianos en Colombres

Nel conceyu de Ribadeva tenemos un auténticu paséu pela arquitectura indiana. La Oficina Municipal de Turismu ofrez un percorríu per Colombres, la capital del conceyu, onde podemos admirar esti estílu arquitectónicu que xurde del puxu aconómicu que vivió la comarca demientres 50 años, a finales del sieglu XIX y entamos del XX. Tras el ayuntamiento atopamos un núcleu de cases conocíes por Chamberí, esponentes del caserío de Colombres enantes de la irrupción de la arquitectura indiana que conserven un reló de sol y puntúries xeométriques de tipu rural. Anque nos últimos años cambió a esgaya, un paséu por Colombres ye un guapu paséu polos entamos del sieglu XX.

Cascu antiguu de Llanes

Un bon paséu por esta villa tan tradicionalmente medieaval fainos ver con una bona perspectiva les modificaciones que’l pasu de los sieglos provoca nun núcleu de población del desarrollu urbanísticu desmesuráu d’esta guapa villa. Subiendo a lo alto del Paséu de San Pedru podemos echar un güeyu a bona parte de la hestoria de Llastres. Dende ehí destaca el poder ver el trazáu de la so muralla esterior, la torre de defensa al sur y la basílica de Santa María. Too ello construyío nel sieglu XIII, al igual qu’esta villa. Entrando al cascu antiguu per el Sablón, podemos ver El Cercáu, un palaciu renancentista del sieglu XVI per un llau y les ruines del Duque d’Estada per otru (un palaciu construyíu nel sieglu XVII reducío a ruines na guerra d’independencia). Una villa que si falara podría contanos munches coses.

Cascu hestóricu d'Avilés

El cascu hestóricu d’Avilés ta ceclaráu “Conjunto Histórixo Artístico” pol estáu español. Al traviés d’él podemos conocer les relaciones comerciales de la villa d’Avilés, que destacó bien por ello a lo llargo de la so hestoria, sobremanera gracies a la importancia del so puertu. N’Avilés podemos percorrer les zones exteriores de la muria pola qu’entamó a espandise la ciudá a partir del sieglu XVII. Avilés cunta amás con llugares consideraos de “Bien de Interés Cultural” como la Capilla de las Alas, la Plaza’l Mercáu, la ilesia de Santo Tomás de Canterbury y el Teatro Palacio Valdés ente otros.

Fuente de Foncalada (Uviéu)

Prácticamente ente la cai General Elorza y la cai Uria, les dos principales zones de la capital asturiana, atopamos la Fuenta de Foncalada, l’únicu esquiciu de construcción civil con fines d’utilidá pública na Alta Edá Media. Anque la primera mención documentada a esta fonte data de finales del sieglu XI, les inscripciones apunten como fecha de la so construcción a la primera mitá del sieglu IX. Baxo la so cruz, aparecen dos traducciones cuyes traducciones son:

Esti signo protexe al piadosu. Esti signu vence al enemigu.

Señor, pon el signu de la salvación nesta fonte pa que nun permitas entrar al ánxel golpeador.