Col puxu de les plataformes online, y sobretou tres la pasada cuarentena que nos caltuvo casi trés meses zarraos en casa, la sociedá consume cada vez más productos audiovisuales, seyan estos en forma de película o de serie. Güei proponémosvos, como alternativa, cuatro productos audiovisuales (dos películes y dos series) qu'usen como llingua vehicular la nuesa llingua: l'asturianu.
7337 – Segio G. Sánchez (2000)
Na seronda de 1973 una maestra llega a una escuela rural abandonada dende la guerra civil. Mientres la so estancia inquietante atopase con un misteriosu neñu de procedencia desconocida. Amás, peles nueches escucha ruios y ve coses estrañes. Quiciabes vos suena l'argumentu, y ye qu'esti curtiumetraxe foi la primer grana pa rodar años más tarde El Orfanato. Sergio G. Sánchez, el so director y guionista, dirixió esti curtiumetraxe que ganó dellos premios y certames nacionales. Sergio G. Sánchez empezó con esti proyectu a especializase nesos thriller psicolóxicos que tantes velees fíxonos «esfrutar» nes butaques de los cines años dempués con ésitos como'l mesmu El Orfanato, Lo Imposible, El secreto de Marrowbone, o, bien llueu, Alma en Netflix, que tamién rodó n'Asturies.
Bernabé – Pablo Casanueva (2013)
Bernabé foi'l primer llargumetraxe de la hestoria rodáu n'asturianu. Cunta la hestoria de Bernabé Ruenes Santoveña, que foi condergáu a 30 años de cárcel por protagonizar un conflictu con un cabu del Exércitu, escapó al monte y ganó fama y notoriedá en tol Oriente d'Asturies. Anque nun yera un refuxáu políticu, acabó viviendo como tal por culpa d'esi conflictu. Casanueva dio con esta idea mientres grababa'l documental Xente. Foi recoyendo los testomonios que más-y gustaben y acabó convirtiendolos en guion. Y ye que, anque tratase d'una película de ficción, too ta basao en testimonios de persones que conocieron o sintieron falar de Barnabé. La realización de la película cuntó cola collaboración d'asociaciones y particulares que dexaben vestuarios y localizaciones. La película realizar n'asturianu porque foi "la llingua na que me cuntaron la hestoria de Bernabé, amás de la llingua na que falo», dixo'l mesmu Casanueva.
Chatarrona – Alberto Suárez (2011)
En plenu puxu de les webseries n'Internet, Publicaciones Ámbitu realizó la suya propia como una propuesta pa encaminar una ficción en TPA: Chatarrona. La sitcom online foi la primera n'introducir personaxes que s'espresaben n'asturianu, anque pol mesmu argumentu, dellos diálogos asocedíen en castellán: Chuso (Alberto Rodríguez) y Esteban (Pedro Durán) son dos compañeros de pisu en paru y con problemes económicos. Un bon día, Chuso decide solucionar los sos problemes económicos poniendo un anunciu pa acoyer inquilinos que quieran compartir pisu y, de camín, deprender asturianu («Namás tenemos esta casa y la llingua, asina que vamos saca-y partíu a la casa y a la llingua«, dice Chuso). Al anuncio responden Malik (Masokhna Diop), un inmigrante senegalés que trabaja de camarero en una sidrería y Carolina (Juana Marrón), una joven que vivió en varias partes del mundo y siente ahora predilección por «lo autóctono». La serie trata de realizar un relato social e irónico de una Asturies dañada por la época de la crisis del 2009 y, sobretodo, una visión positiva del proceso de recuperación lingüística. Lamentablemente, sólo tuvo tres capítulos.
Proyectu Webserie – Marcos S. L. (2019)
Dempués de forxase una esperiencia en producción de conteníu online, la canal d'entretenimientu n'asturianu Playpresta decidió embarcase na creación de la primer webserie realizada dafechu n'asturianu. Esta foi Proyectu Webserie, una sitcom que parodia'l mundu d'Internet, los sos conteníos y la so forma de crear esos conteníos dende dientro, con dellos guiños a virales, memes y tou tipu de conteníu qu'atopamos na rede de forma satírica. L'argumentu cunta la hestoria de cómo Xurde (Pablo Mare) y Adriana (Olaya Pena) intenten atopar conteníu nuevo para la so canal. Xurde, cunta cómo s'atopó por casualidá con Ayalga (Bea Canteli), un antiguu amor d'institutu que suaña con ser actriz. Pa nun perder el contactu con ella, ésti decide ufierta-y participar nuna webserie de la que nun hai nin guion, nin argumentu, nin un res preparao. A partir d'ende, van tener qu'intentar sacar una webserie xuntu con Oliver (Pepiox08), un youtuber daqué curtiu de comprendederes, y vivir con toles torgues que s'atopen para crear conteníu online. Too llenu d'humor absurdo, ironía y munches rises de mano del guionista Marcos S. L.
