Restaurante La Puerta de Arrobio 

El llugar idóneu pa esfrutar de la comida tradicional asturiana al mesmu tiempu que de la belleza del paisaxe asturianu, ye'l RESTAURANTE ASADOR PUERTA DE ARROBIO. Asitiáu n'Anzó, nel conceyu de Sobrescobiu y nel coral del Parque Natural de Redes, nesti restaurante vas poder degustar un esquisitu corderu a la estaca, una de les sos especialidaes xunto cola ventresca de bonitu. Pero nun solo eso, vas poder alcontrar nesti llugar, sino que poseen una montonera de pescaos del Cantábricu, como tamién una amplia carta de vinos que van dende los meyores Rioxa a los meyores Ribera del Duero, pasando per blancos o rosaos. Y si nun yes de vinu, nun t'esmolezas, tamién vas poder degiustar los meyores palos de sidra y los meyores cavas. Por too ello y por muncho más, como la dedicación de los sos trabayadores, nun dexes de pasar na to visita a Redes pel Restaurante Asador La Puerta de Arrobio 

Dirección: Anzo-Sobrescobio, s/n 

Horariu: tolos díes de 10.00 a 00.00 (miércoles peslláu por descansu) 

Contactu: 985 60 93 10

El merendero de Anzó

Si vas visitar el Parque Natural de Redes, colos sos ablucantes paisaxes que paecen sacaos d'una película y quies degustar dalgunos platos tradicionales asturianu n'unu de los tos descansos pa xintar, un bon sitiu pa facelo ye'l MERENDERO D'ANZÓ. Esti familiar restaurante asitiáu nel coral de Redes abrió les sos puertes por primer vez en 1991, ufre comida casero, y s'alcuentra concretamente nel pueblu pequeñu d'Anzó. Equí, vas poder esfrutar d'unos platos de mui bona calidá d'una selecta carta. Ensin dulda, si visites esti restaurante nun puedes marchar ensin prebar dalguna de les sos especialidaes, como'l corderu a la estaca de los sábados y domingos, les costielles de gochu y el cabritu guisáu. El negociu tien dos amplios comedores, con aire acondicionáu y chimenea de lleña, terraza con zona de xardín, bar, wifi, zona de parque pa los neños y aparcamientu. Y ye que, amás d'una bona comida, esti llugar busca la meyor comodidá posible pa los sos clientes. Nun dexes de visitalos si te decides a visitar los paisaxes del parque natural de Redes.

Dirección: Anzó, s/n, Sobrescobiu 

Horariu: martes a domingu de 10:00 a 00:00 

Contactu: 985 60 92 15

Asador Restaurante Los Panchos 

Si t'averes a la Cuenca del Nalón y quies tastiar un esquisitu corderu a la estaca, encamentámoste que visites l'ASADOR RESTORÁN LOS PANCHOS, que ta asitiáu nel pueblu de Muñera, a la entrada del Parque Natural de Redes y arrodiáu del Monte Raigosu y la Peña Mayor. Si comes equí, vas esfrutar d'unes vistes espectaculares, y ye que la redolada que vos acabamos de mentar ye inigualable. Nesti negociu disponen de de wifi, ampliu aparcamientu, dos comedores pa 40 persones caún y pueden faese posibles pequenes celebraciones: familiares, d'empresa, etc. Al pie de tou esto, nes sos cocines tienen un modernu asador, pero que caltien perfectamente la tradición, un asador automáticu onde la carne s'asa con lleña como lo faíen los nuesos ancestros. Equí, vas poder pidir corderos, gochos, o aquella carne que se deseye, siempres con reserva pa que puedan preparar. Si prefieres otra opción, nun t'esmolezas, nesti restorán tienen una amplia carta con productos naturales y una cocina casera y tradicional que te van dexar un bon sabor de boca. 

Teléfonu: 984 11 72 15 – 678 777 668 

Dirección: AS-17, Km. 14, 33991 Muñera, Llaviana 

Horariu: martes a domingu de 10:00 a 00:00

Hotel Rural El Reundu

Si visites la cuenca del Caudal y si, sobremanera, visites monumentos tan espectaculares como la ilesia prerrománica de Santo Cristina de L.lena, vas tener que faer una parada pa comer y nós t'encamentamos que visites el siguiente negociu. Nel HOTEL RURAL EL REUNDU, en Campumanes, un hotel con restorán, vas poder escoyer ente una abondosa cantidá de platos con una calidá esquisita que representa de bona manera lo que significa la gastronomía tradicional asturiana. 

Ente los sos platos, destaca'l corderu a la estaca, fechu de manera tradicional y con un sabor esquisitu. Sicasí, si prefieres escoyer otru platu, tamién son especialistes en fabada y pote, otros platos que son igual d'escelentes y que reflexen de bona manera la cocina tradicional asturiana. El negociu, amás, cuenta con wifi y aparcamientu gratis, polo que nun vas tener problema p'allegar. Y yá sabes, si te gusta'l llugar… siempres puedes acutar una habitación p'allargar la to estancia nun llugar que s'atopa arrodiáu de patrimoniu históricu industrial y naturaleza. 

Horario: De lunes a domingu de 11:00 a 2:00

Dirección: El Redondo, 33620 Campomanes

Teléfono: 985 49 63 77

Bar Asador El Llugar

Si yes un montañeru y vas al Picu Gúa o, si otra manera, yes más de quedate no urbanizao y faer un pocu de turismu industrial, tenemos un llugar onde vas poder tastiar unos platos fantásticos en rematando los tos planes. Trátase del CHIGRE ASADOR EL LLUGAR, un negociu asitiáu en Murias, a un quilómetru de Mieres y nel que cunten con una amplia carta pa iguar el to menú, amás del típicu platu del día. Sicasí, nesti llugar destaquen les sos magnífiques especialidaes, colos que vas quedar «fartucu». Son especialistes en corderu, gochu, pollu, coneyu y cabritu a la estaca, polo que t'encamentamos prebales. Amás, tienen una amplia terraza al campu y carpa, ónde realicen eventos, y tamién cenes y comíes de grupos y empreses. Tolo que precises pa comer nun llugar familiar, tranquilu y afayaizu.

Horario: De domingo a viernes de 10:00 a 00:00 y viernes y sábados de 10:00 a 02:30

Dirección: Casas Nuevas, n1, 33616 Murias

Teléfono: 985 86 64 69

Casa Mori

Un bon llugar pa faer una ruta ye'l conceyu de Siero, onde, por casu, puedes faer la ruta que te lleva hasta Peña Careses, dende onde hai unes vistes impresionantes que van dende la mar de Xixón hasta los montes más alloñaos d'Asturies. Y tando ellí, el llugar que tienes que visitar namás rematar la ruta ye'l RESTORÁN CASA MORI, asitiáu nel conceyu de Siero y, concretamente en La Collá, y que llogró muncha fama gracies a la so especialidá, el corderu a la estaca. Esti negociu qu'afaya a los sos clientes col so tratu y encantu, prepara'l corderu de la manera tradicional, polo que'l sabor d'esti platu ye auténticu. Pero non solo eso, amás de la so especialidá, tienen una amplia carta y cunten con menú del día, tamién d'escelente calidá. Tienen una amplia zona de terraza y comedor, amás del propiu espaciu dedicáu a la sidrería. Nun duldes en visitalo y tastiar los sos productos.

Horario: De lunes a viernes de 9:00 a 00:00

Dirección: Caserio La Collada 7, 33519 Pola de Siero España

Teléfono: 985 72 64 25