Unu de los anuncios más esperaos del añu, el qu'anuncia'l sortéu estraordinariu del 22 d'avientu, ye dicir la Lotería de Navidá, yá ta equí. Anguaño, ye bien especial pa los asturianos, yá que la nuesa tierra amuesa tol so potencial y guapura na publicidá, apaeciendo hasta cuatro conceyos.

Avilés, Siero, Somiedu y Castrillón fueron los conceyos escoyíos pola axencia encargada de rodar el spot, Contrapuntu BBD. En total, participaron alredor d'unes 60 persones nel rodaxe y dalgunos de los escenarios reconocibles na pantalla son la tabierna «Red Castle» de Salinas; el polígonu industrial «Principáu d'Asturies» de Siero, el Parque Natural de Somiedu y delles localizaciones d'Avilés.

Una vegada más, los audiovisuales ríndense a la guapura de la nuesa tierra, nesta ocasión con un anunciu que quier amosar que detrás del famosu sortéu asoceden cientos d'hestories estraordinaries, como les trés que narren nel anunciu.