La guapura de Asturies ye innegable, pero non tol mundu lo conoz. Poro, esti domingu, tol que nun conoza un sitiu tan emblemáticu como los Llagos de Cuadonga va poder esfrutar d'ellos al traviés del deporte. En concretu, del ciclismu, yá que la Vuelta a España femenina va disputar la so última etapa ente les localidaes de La Pola Siero y los Llagos de Cuadonga.

Ye precisamente, nesti 2023, cuando la mítica ascensión d'Asturies celebra'l 40 aniversariu de la so primer inclusión na ronda española, cuando en 1983 Marino Lejarreta alzó los brazos na meta. Y nun hai meyor momentu que nel formatu femenín de la prueba.

Esta ye la etapa, que va percorrer les localidaes de Nava y L’Infiestu en saliendo de La Pola Siero. Darréu, van xubir Colláu Moandi y van llegar a Cangues d’Onís, antes d'encarar la infernal xubida onde solo dos asturianos consiguieron ganar: Carlos Barredo y Samuel Sánchez.

Esta ye, ensin dulda, una manera maraviyosa de conocer esta zona de Asturies d'una manera prestosa… ¡ya inclusive saludable! Siempres puedes averate cola to bicicleta y tratar de superar los más de 12 kilómetros de dures ramples. ¿Anímeste?