Esti llunes 21 de febreru, l'estand d'Alimentos del Paraísu de Salenor 2022 – el Salón de l'Alimentación y l'Equipamientu del Norte d'España que se celebra estos díes nel Pabellón d'Esposiciones y Congresos de La Madalena d'Avilés – acoyó un escanciáu de sidra nel que participaron autoridaes locales y rexonales. Un alcuentru entamáu pol Conseyu Regulador de la DOP Sidra d'Asturies.
A esti actu asistieron el director d'Agricultura y Pesca na Delegación del Gobiernu n'Asturies, Enrique Rodríguez; el presidente de la Cámara de Comerciu d'Avilés, Luis Noguera; el presidente del Conseyu Regulador de la DOP Sidra d'Asturies, Guillermo Guisasola; l'alcaldesa del Conceyu d'Avilés, Mariví Monteserín; la directora de Asturex, Teresa Vigón; la delegada del Gobiernu n'Asturies, Delia Llosa; la directora xeneral de Desenvolvimientu Rural y Agroalimentación, Begoña López; y el director xeneral de Comerciu, Emprendedores y Economia Social nel Gobiernu del Principáu d'Asturies, Julio González. Esta xornada cuntó con cuatro escanciadores profesionales del campeonatu rexonal. Darréu, los escanciadores ufiertaron sidra d'Asturies a les persones qu'allegaron a Salenor.
