Anque faiga fríu, tamos seguros de que faer rutes sigue llamándovos l'atención. Por eso y porque nestes feches navidiegues hai daqué de descansu, güei proponémosvos esta ruta hasta Brañagallones, asitiada nel conceyu de Casu.
Esta ruta empieza na pequena localidá de Bezanes, per onde trescurre río Nalón. Ye un camín tropezosu y siempres ascendente en dirección Sur y la so meta asítiase na vega de Brañagallones. Tendremos de travesar el pueblu y tomar un camín a la nuesa esquierda que xube la fastera en zigzag.
Tres los primeros dos kilómetros, atopamos a la nuesa esquierda'l mirador del Texu la Oración, dende onde vamos tener unes maraviyoses vistes de Bezanes, la cuenca del Nalón y el picu Cascayón. Mediu kilómetru más p'alantre puede vese al fondu, pel Sur, el Cantu del Osu, y trescientos metros más allá vemos a la nuesa esquierda dellos truébanos d'abeyes sobro una formación predresa.
Algamáu'l kilómetru 6,5, si nos afitamos p'abaxo reparamos l'impresionante paisaxe del valle del ríu Monesteriu. Caminaos dos kilómetros más, travesamos el túnel del Crestón, y mediu kilómetru más p'alantre, dexamos el camín empedráu de la fastera pa metenos n'unu de los montes del Parque Natural de Redes, que nos van a dexar embaecíos pola so gran guapura. A los 10,2 kilómetros, llegamos yá a la vega de Brañagallones, poniendo puntu final a esta preciosa ruta d'espectaculares vistes.
Related posts
1 Comment
Leave a Reply Cancel reply
Newsletter
* ¡Vas recibir les últimes novedaes culturales y d'ociu n'Asturies!
[…] El regreso se puede efectuar tranquilamente por el mismo camino de la ida o hacer largas travesías por los puertos de Contorgán y desfiladero de Los Arrudos hasta Caliao. O bien a La Felguerina por la pista o por el bosque de Redes, en dirección a la vega de Brañagallones. […]