En plenu branu n'Asturies, les sableres maraviyoses y ablucantes de les que podemos esfrutar cuntar por miles. Na llista de sableres que nun puedes perdete y que tienen gran interés, ta ensin dulda la que contien un de los pocos sistemes dunares qu'entá se caltienen güei, el de la sablera de L’Espartal que podemos atopar nel preciosu conceyu de Castrillón.

Esti sistema dunar prollongación de la sablera de Salinas, ta catalogáu como un Monumentu Natural dende 2006, pola mor de la fauna y vexetación únicos na Europa Atlántica. Especies como’l nardu marín y la espigadiella de mar, incluyíes nel Catálogu Rexonal d’Especies Amenazaes de la Flora Asturiana, que tienen como llar esta sablera, son parte importante d’esti nomamientu. Amás, descríbense en L’Espartal dos hábitats d’interés comunitariu: les dunes embionaries (dunes móviles primariae) los brezales mediterráneos y oromediterráneos primarios y secundarios con dominio de xenistees. La proteción d’esta afayadiza zona del conceyu de Castillón estiéndese tamién a los páxaros, yá qu’esti espaciu forma parte de la Rede Natura 2000, dientro del Llugar d’Interés Comunitariu Cabu Bustiu-Lluanco y de la Zona d’Especial Protección pa les Aves del mesmu nome.

Y ye que tamos falando d’una sablera perprestosa con una gran guapura paisaxística y valor ecolóxicu d’unos 500 metros de llargor que combina costa ya interior. Orixinalmente, tres la sablera de L’Espartal podía vese un gran campu dunar que perpretaba hacia l’interior cuasi un quilómetru hasta algamar el valle de Raíces. Yá tres esti valle víense los cantiles de los Pinos Altos, otra guapa maraviya de la que paga la pena guardar semeya. Y anque ye verdá qu’al medrar la llocalidá de Castrillón y les actividaes industriales qu’arrodien la zona nos caberos sieglos la zona menguó, entá ye bien posible agüeyar delles dunes bien guapes anguaño. La diferencia ye qu’anguaño estes zones de dunes tan visiblemente separtaes, pero siguen siendo igual de guapes. El primer cordón de dunes que podemos ver algama los 15 metros d’altor. Tres esti primer cordón hai un estensu campu dunar nel que difícilmente se reconocen los cordones adosaos. Na zona dunar más próxima a la mar la especie dominante son les dunes blanques, anque tamién podemos atopar la corregüela de les dunes y la lechetreza de les sableres.

El resultáu del bon cuidáu de la sablera de L’Espartal del que’l conceyu de Castrillón pue presumir, tien como resultáu un paisaxe envidiable, de récord y ecolóxicu, imposible d’escaecer una vegada que-y eches el güeyu. Colar de les dunes ye sinónimu de naguar por tornar.

Puedes descubrir más d'esti llugar y d'otres ayalgues del conceyu de Castrillón nel nuesu puestu na Feria de Muestres de Xixón.