Asturies tien una montonera compañíes de teatru qu’usen l’asturianu nes sos representaciones. Dende’l teatru amateur al profesional, dende les obres contemporánees al teatru costumista clásicu, presentámoste cuatro compañíes comprometíes col idioma.

COMPAÑÍA ASTURIANA DE COMEDIES

Acabante cumplir cien años sobre los escenarios, la Compañía Asturiana de Comedies ye un referente hestóricu del teatru costumista asturianu. Al entamu del sieglu XX entamó la so actividá con obra de Pachín de Melás y nos años cincuenta vivió la so dómina dorada con actuaciones internacionales en países americanos. Dempués d’un parón qu’entamaría nos años sesenta, torna en 1986, con Arsenio González, Eladio Sánchez, Pili Ibaseta o Josefina García y un gran ésitu que lleva a que dende 1999 cada mes d’agostu tean sobre l’escenariu del Teatru Xovellanos de Xixón trés díes consecutivos y con un ésitu ablucante. Anguaño, les nueves xeneraciones ábrense pasu nel grupu con un nuevu director al frente, Sergio Buelga y actores como Armando Felgueroso, Mar Buelga, Norberto Sánchez o Mario Valdés.

Más información: http://cia-asturiana.blogspot.com.es/

GRUPO DE TEATRO TELÓN DE FONDO

El grupo de teatro Telón de Fondo nace en 1973 en Gijón como grupo de empresa de la antigua ENSIDESA, siendo en la actualidad uno de los grupos más viejos de Asturias. A partir de 1985 se desvincula de la empresa y se conforma como grupo de teatro independiente. Enseguida se comprometen con la utilización del asturiano y tienen montadas obras de autores internacionales traducidas al asturiano, así como obras clásicas de autores asturianos, como El Ensalmador, de Antón de Marirreguera, primer autor conocido en lengua asturiana. El grupo hace su montajes sobremanera en Asturias, en un deseo de contribuir desde el escenario a la normalización del asturiano y la cultura de Asturias, lo que no tardo en llevar sus actuaciones a otros lugares entre otros: Lisboa, Madrid, Bruselas, Lieja, etc.

PRODUCCIONES NUN TRIS

Fundada como agrupación semiprofesional en 1992, y depués definitivamente profesional nel 1997, Producciones nun tris ye la obra d’Inma Rodríguez y Antón Caamaño, que xunto a más de 150 persones que pasaron pel grupu nestos años, consiguió crear obres de gran valir. Más de cincuenta espectáculos producíos, pa too tipu de públicu y de tolos estilos. Clásicu, teatru y danza contemporáneu, ópera pa neños y neñes, comedia del arte, cai, zarzuela, drama, comedia… D’estos cincuenta, más o menos la metá tienen al asturianu como llingua vehicular, siendo dalgunos billingües, convirtiéndose nel grupu profesional que más aportó al teatru n’asturianu nestes décades últimes, con obres y montaxes como “El caballeru de la murnia figura”, “La Vixigona nun tien remediu”, “Los socedíos de Nelón” o "Lletres d'una castañal”.

Más info: www.nuntristeatro.com/as

HIGIÉNICO PAPEL

Esti grupu de teatru profesional fórmase en 1996 y dende entós lleva producíos más de trenta espectáculos de gran diversidá temática y espresiva, siempres marcaes por un cuñu personal que conxuga toques d’humor, provocación, y poesía. Magar qu’a lo llargo d’estos años la compañía trabayó los más diversos xéneros (infantil, humor, adultos, cai, cabaré, pequeñu formatu, títeres, teatru clásicu, teatru xestual…) destaquen con especial fuercia los sos espectáculos pa públicu infantil y familiar, amás los espectáculos d'humor para mozos y adultos. Otru de los puntos fuertes de l’agrupación ye la creación, dirección y puesta n’escena de toa triba d'intervenciones teatrales a la carta: animaciones, presentaciones, gales, sketches, espectáculos de temátiques específiques pa eventos, etc... Delles de los sos espectáculos pueden atopase n’asturianu, como “Árbol”, “Nunca nun se sabe” o “Una casa”.

Más info: www.higienicopapel.com