Maliayo ye'l nome que recibía d'antiguo el conceyu de Villaviciosa, según apaez en numberosos documentos. Los testos medievales aluden a Maliayo son, na so mayoría, donaciones a la Ilesia d'Uviéu. Tamién hai un documentu del 17 d'ochobre 1270 na que'l rei Alfonso X concede a los vecinos de la tierra de Maleaio» una carta puebla, para repoblar «el llugar que dicen Buetes». Tratábase esti llugar d'un terrén pantanosu, d'onde, según l'arqueólogu José Manuel González, recibiría'l so nome, qu'indicaría llamarga o llugar pantanosu. A mediaos del sieglu XIV ye cuando recibiría la so actual denominación de Villaviciosa, según una donación de 1321 a la Catedral d'Uviéu.

Magar escarecer de noticies sobro un poblamientu previu, yá tenía de tener cierta importancia en 1295, yá que se-y señala como parte de la gran Hermandá Xeneral de los reinos de Llión y Galicia, entidá supraprovincial defensora de los fueros. En 1351, señálase-y como un enclave de cierta importancia na mariña asturiana.