L'Institutu de Ganadería de Monte (IGM), centru mistu del Conseyu Cimeru d'Investigaciones Científiques (CSIC) y l'Universidá de Llión, impulsó esti proyectu per tercer añu consecutivu, y cuntó de nuevu cola collaboración d'un ampliu númberu de profesionales n'educación y d'otres persones voluntaries na busca d'aniversarios y el diseñu d'actividaes complementaries. El calendariu, col que pretende averase la cultura científica a la población más nueva y ufiertar referentes cercanos, diversos y actuales de la ciencia, vuelve tar acompañáu d'una guía didáctica con actividaes adaptables a distintes asignatures y niveles de Primaria y ESO.

Ente les principales novedaes d'esta edición, destaca que la versión online el calendariu ta disponible en diez idiomes. Amás del castellán, gallegu, catalán, euskera, asturianu, aragonés ya inglés, anguaño atópase en francés, esperantu y árabe. Los calendarios y les guíes pueden descargase de baldre na páxina web del IGMColes mesmes, nesta edición triplicóse la tirada impresa del calendariu nos cuatro idiomes oficiales, y van partise 11.500 exemplares en centros educativos y n'instituciones de divulgación científica.

"Más de 800.000 persones utilizaron el Calendario científico escolar 2021speramos qu'esti añu se siga esti cercu”, comenta Pablo Gutiérrez Toral, coordinador del proyectu. “Pal 2022 tratóse de crear un calendariu más igualitariu y diversu, tanto en protagonistes como en temátiques. Incluyir a representantes del colectivu LGTBIQA+ y a persones de múltiples nacionalidaes. Como siempres, hai aniversarios de bioloxía, química, ecoloxía y astronomía, lo mesmo que de llingüística, folclor, agricultura, veterinaria y arqueoloxía. Nesta ocasión, tamién se van atopar efemérides sobro arabismu y ciencia hispanomusulmana, pa poner en valor el nuesu heriedu”, añede l'investigador del CSIC.

“Amás, nun nos escaecemos de l'accesibilidá. Ente otres coses, el calendariu facilítase tamién en testu planu, lo que dexa la so recepción por aciu sintetizadores de voz o llinies Braille, y les imaxes en redes sociales inclúin testu alternativu pa los llectores de pantalla”, apunta Toral.

Toles efemérides compártense diariamente na cuenta de Twitter Twitter @CalCientificopero esti añu'l proyectu cunta tamién con grupu de Telegram y cola posibilidá de descargar ficheros ICAL pa integrar el calendariu científicu nos calendarios online (Google Calendar, Apple Calendar y Microsoft Outlook, ente otros). Si quies unviar propuestes o suxerencies, puedes faelo escribiendo al corréu lletrónicu: calendario.cientifico@csic.es.

El Calendariu científicu escolar 2022 ye un proyectu del IGM que cunta col financiamientu de la Fundación Española pa la Ciencia y la Tecnoloxía (FECYT), adscrita al Ministeriu de Ciencia ya Innovación. La iniciativa recibió'l sofitu de numberoses entidaes como delles delegaciones, centros ya institutos del CSIC, l'Academia de la Llingua Asturiana, la Casa Árabe, l'Alianza Francesa de Xixón, la Federación Española d'Esperantu, l'Asociación PRISMA pa la Diversidá Afeutivu-Sexual y de Xéneru en Ciencia, Tecnoloxía ya Innovación, según delles universidaes españoles y otres entidaes públicu y priváu.