El Nataliegu ye un tueru que se quema na nueche de Nuechebona sobre los restos de la foguera del añu anterior (onde se quema tamién el nataliegu) y déxase amburar mientres tola nueche. Al otru día, col fueu yá apagáu, recuéyense parte de les sos cenices y guárdense pal añu siguiente, onde se va volver a faer el mesmu ritual.
La tradición cunta que'l fueu del Nataliegu protexe de los rayos a la casa y del mal a los sos habitantes. Amás, d'esti ritu del fueu y el nataliegu dicíase qu'apurría fertilidá al ganáu, les tierres y los habitantes de la vivienda.
Anguaño, ye una tradición que sigue presente en munches casa de Asturies, onde seguro que yá tienen preparáu'l tueru para dexalo amburar n'una de les nueches más especiales del añu.
