Ensin dala dulda Cuadonga ye'l llugar turísticu más visitáu y característicu d'Asturies. El so nome procede del llatín Cova Dominica, que significa Cueva de la Señora, onde s'atopa la Virxe de Cuadonga, tamién llamada «La Santina». Nella, podemos atopar numberoses zones d'interés cultural, como La Basílica, La Cueva o'l Monumentu al Rei Pelayo, y en caúna d'elles alluguen numberoses tradiciones que van pasando de xeneración en xeneración por tolos asturianos.

Una de les tradiciones más reconocíes ye la rellacionada cola Fonte de los 7 Caños. Esta fonte ta asitiada na parte esquierda qu'hai so la Santa Cueva, a ella apuértase per un irregular senderu de piedra qu'escurre paralelu a dichu estanque. Tien una forma de copa pola que cayen los siete remexos que faen referencia a los siete Sacramentos.

Esta fonte conozse popularmente como la "fuente del matrimoniu" porque esiste un cantar asturianu que'l so versu diz "La Virxe de Cuadonga tien una fonte mui clara, la neña que d'ella beba, dientu del añu se casa"

Y ye por ello que se conoz, que al beber d'ella la pareya de namoraos van contraer matrimoniu al añu próximu. Pero non comoquier, la tradición diz qu'hai que beber ensin alendar de los siete caños de la fonte.

Esta tradición tamién s'aplica a la persona que bebe d'esta fonte pa atopar pareya, yá que la cantarada enantes mentada prosigue col versu "al llegar a Cuadonga nun bebas agua, soltera, si, como dixisti ayeri, prefieres vivir soltera"