L’embalse de Tresona ye un gran llagu artificial situáu nel conceyu de Corvera, bien cerca d’Avilés, con capacidá pa cuatro mil metros cúbicos d’agua y un calado d’unos venti metros. Esti embalse quiciabes-yos suene a los aficionaos de la piragua, ya que ye bien afamáu poles sos competiciones náutiques, que davezu vense entrenar per ehí cuasi diariamente. Ensin dexar de mencionar les aves migratories que davezu recalen nel embalse, o les xires campestres d’hermandaes vecinales que se celebren. 

           L’embalse ta rodeáu de les llocalidaes de Santa Cruz y Los Campos pel oeste, Tarín y Monte Pando nel este, El Portalgo y Nubloe nel sur, y Tresona, Overo y el palacio de Peñalver nel norte, amás del centru comercial Parque Astur. El camín hasta’l llagu dende cualesquier d’estos sitios ye bien cenciello y prestosu, rodeáu de caminos, pistes de “running”, sendes y hasta una vieya plantación de kiwis.  

            Una vez ehí, pa cruzar d’una orilla a otra del llagu, dende les instalaciones náutiques (“el Náutico”, como llamen a la zona per ehí) puede pasase per un puente de pontones ensin peligro. Eso sí, muncho cuidao colos guah.es o persones que puedan tener dalgún problema de vértigu. Ye aconseyable dir en pequeños grupos.

            Rodear l’embalse ye otra forma bien afayadiza de pasar la tarde, lo cual puede llevanos unes dos hores de camín, ente facer semeyes al paisaxe, los valles que nos arrodien, y, si tenemos suerte, dalgún ave migratoria interesante qu’asome per equí. Los aficionaos a les piragües y los deportes acuáticos tamién pueden disfrutar cuasi cada tarde del entrenamientu de los piragüestes que pasen per ehí faciendo gala la so habilidá coles pales. Este camín bien guapu cuenta amás con dellos merenderos onde parar a una xinta acoyedora. Una pausa ideal pa sacar unes semeyes bien guapes a los alrededores y presumir de la vuesa visita n’Instagram.