Arranca’l próximu 28 d’ochobre de mou virtual la I SAnTINA Conference, entamada pola Sociedá pal Analís de Tópicos Culturales ya Identidades Llingüístiques n’Asturies. Trátense d’unes xornaes que van falar alredor de llingua, cultura y lliteratura asturiana col envís d’examinar y analizar la realidá d’Asturies.
La plenarista d’esta conferencia ye Ana María Cano González, anguaño profesora emérita de la Universidá d’Uviéu y catedrática de Filoloxía Románica na mesma universidá y foi presidenta de la Academia de la Llingua Asturiana (ALLA) dende 2001 hasta 2017. Les sos llinies d’investigación son la filoloxía románica y asturiana.
Per otra parte, la organización ta formada por otres dos persones:
- Covadonga Lamar Prieto, profesora asociada de la Universidá de California Riverside y la so investigación céntrase nos mecanismos identitarios de les primeres xeneraciones que ñacen dempués d’un colapsu políticu, social o llingüísticu.
- Miriam Villazón Valbuena ye una estudiante de doctorado en Estudios Hispánicos na Universidá de Costa Rica, con intereses investigadores nes comunidaes billingües y les llingües minoritaries col so impactu sociollingüísticu.
Esta actividá ta agospiada pola Universidá de California, siendo online al 100%. Va trescurrir los díes 28 y 29 d’ochobre dende les siete de la mañana hasta la una del mediudía y el programa pue vese nesti enllaz (click equí)..
Pa participar, hai que rexistrase nesi enllaz.
