Les celebraciones navidiegues son fiestes nes que les families se reúnen al rodiu de cenes y comides, pero tamién de salir a les cais a celebrar estes feches tan señalaes. Nesti postrer casu, tenemos una anécdota na villa de Xixón al rodiu de la nueche de Navidá del añu 1920, recoyida nos diarios llocales.

Cuntan los periódicos que la nueche navidiega d’esi añu en Xixón foi dalgo complicada, con dellos homes con feríes debío a delles reyertes na ciudá. En concretu, foron trés los homes mancaos nuna mesma reyerta producida nes inmediaciones de la Puerta la Villa, onde tres homes discutíen y, ensin mediar pallabra, entamaron a pegar tiros. Tamién hebo cuatro mancaos en Marqués de Casa Valdés, onde ún llevó un tiru na frente y sobrevivió millagrosamente.

Los periódicos cubrieron estes noticies na mañana del 26 d’avientu, onde tamién incluyíen columnes d’opinión que falaben de que la ciudá quedaba dividida en dos: per un llau los civilizaos que se reuníen y esfrutaben de les fiestes con tranquilidá y felicidá y los que, al contrariu qu’estos primeros, namás que celebraben les fiestes navidiegues de manera que caíen na bronca ya impedíen que los primeros esfrutaren primero de les reuniones y dempués pudieren descansar ensin problema. Esto tamién diba repetise na nueche del 31 d’avientu.

Afortunadamente, anguaño esta xera nun tien nada que ver colo que los periódicos recoyíen na so páxina y podemos esfrutar de la fiesta cola nuestra familia.