Las Covas da Andía ye un paisaxe bien guapu que podemos atopar na parroquia de Arancedo, nel conceyu de El Franco. Consiste nun afloramientu calcáreo en forma de picu que se eleva sobre una depresión del terrenu d’unes dos hectárees. Un llugar que ye malapenes visible dende’l esterior por mor de la so estensa vexetación.
Lo más interesante d’esti sitiu tan guapu ye que conserva una de les poques mases arbórees autóctones de la zona, lo que-y da una singularidá a esti paisaxe. Munchos conocen a esta zona como “El Valle Feliz” por mor de la so espectacularidá. La abundancia del so verdor, plantes de viesca y la lluz que cruza peles copes de los árboloes, fai d’él un paisaxe d’un amestamientu ente rural, praderías y cultivos forestales. La maxa del paisaxe nun s’esfruta namás colos güeyos sinon tamién coles oreyes: na viesca podemos sentir el fluyir de l'agua poles pequeñes oquedades.
La situación d’abrigu del enclave y la combinación de delles situacioes d’humedá nel suelu propicien el desarrollu d’una viesca con abundancia d’especies termófiles y otres más amantes de la humedá atmosférica. Esti enclave tan ricu en flora nun queda curtio na so fauna, yá que podemos atopar aves de tou tipu. Un requexu ideal pa los amantes de la ornitoloxía.
Como puntu interesante, según l’institutu xeolóxicu y mineru d’España (IGME), paez que n’Andía hai indicios d’oru.
