Son cuatro los llagos de Saliencia, «La Cueva», «La Mina» o «La Almagrera», «Calabazosa» o «Llagu Negru» y «Cerveriz». Allugaos nel Parque Natural de Somiedu son de los más visitaos polos escursionistes xunto al Llagu'l Valleque ye'l mayor d'Asturies.
De primeres, pa llegar a estos llagos vamos xubir hasta l'Altu de la Farrapona, una vegada ellí vamos siguir la indicación escontra «Llagos de Saliencia». Poco dempués pasando per una pista de les antigües esplotaciones mineres de Santa Rita, vamos llegar al primer llagu. Esta pista foi posiblemente un ramal secundariu o de «iviernu» de la vieya calzada romana de La Mesa.
Esti primer llagu denomínase'l llagu de «La Cueva». Tien una superficie de siete hectárees y media y barganal de 27 metros de fondura, pudiendo embalsar hasta un millón de metros cúbicos.
Siguiendo la ruta atoparemos con una llaguna temporal. Atópense a los pies de la peña d'igual nome y ye conocida como «La Mina» o «La Almagrera».
Vamos avanzar hasta'l llagu de «La Calabazosa» o «Llagu Negru». Este tien diecisiete hectárees de superficie y puede llegar a algamar los 60 metros de fondura. Considérase'l llagu más fondu de Asturies y de tol Cordal Cantábricu, embalsando hasta dos millones de metros cúbicos.
Vamos coyer un senderu que nos llevará al llagu «Cerveriz». Esti llagu tien una superficie máxima de diez hectárees y una fondura de siete metros. La so capacidá d'embalse ye de setecientos mil metros cúbicos y ta próximu a los mil seiscientos metros de costa, al pie de los Picos Albos.
