Cada selmana vas poder atopar en VerAsturies.com les recetes llambiones de la escritora Beatriz Rato.
Ingredientes:
150 gramos de chicolate blanco, 100 gramos de mantega, 50 gramos d’azucre, 4 güevos, una copa de ron, 200 gramos de nata líquido, fideos de chicolate, fideos de colorinos
Procedimientu:
Fundir nel microondes el chicolate y la mantega, y, en tando frío, mecer col azucre, les yemes y el ron. Cola batedora montar la nata y añidilo a la miesta a mano y a pocoñinos. Llevantar les clares a puntu ñeve y axuntar cuidosamente.
Enfrescar nel frigoríficu dos o tres hores pa qu’enteste na mesma fonte o nes copes individuales onde la vayamos servir. De la que se saque pa comer, adornalo con fideos de chicolate mecíos con otros de colorinos.
