Cada selmana vas poder atopar en VerAsturies.com les recetes llambiones de la escritora Beatriz Rato.
Ingredientes:
250 gramos de mantega, 250 gramos d’azucre, una llibra de chicolate a la taza, un paquete de galletes maría (redondes o cuadraes, según el moldiu), 100 gramos d’ablanes molíes, una taza de llechi.
Procedimientu:
Preparar un chicolate líquido cola llibra entera y una taza d’agua y dexalo enfrescar. Mecer y bater la mantega y l’azucre y añidi-y el chicolate y les ablanes.
Dir asitiando nuna bandexa les galletes previamente remoyaes na llechi (vuelta y vuelta) y porriba d’elles, una capa de la crema. Alternar capes de galletes y crema hasta terminalo (acabar con una de crema).
