Anteriormente rellatemos la hestoria de más pioneres asturianes, como por casu na minería. Poro, güei vamos dedica-y esti apartáu a Manuela del Río, la pionera asturiana del baille.
Manuela Juana del Río Martínez Arcos, más conocida pol so nome artísticu Manuela del Río, foi una baillarina asturiana apodada «L'Asturiana universal». Nació'l 14 de xunetu de 1909 en Grau y finó'l 3 de payares de 1979 en París.
A los 16 años yá yera una de les baillarines estrelles del Licéu de Barcelona, alumna del Baillarín de los Zares» Francisco Miralles Arnau. Realizó solos de ballet de los grandes compositores españoles contemporaneos compaxinaos con bailles tradicionales de les diverses rexones d'España y solos de castañueles. Tamién grabó dellos d'estos solos en discos de 78 RPM, incluyendo trés en Francia ente 1930 y 1937.
Actuó mientres trenta años nos principales escenarios d'América, Europa y Xapón. Más tarde asitiándose definitivamente en París, dedicó ellí los sos últimos años a la enseñanza de la danza española y l'arte de les castañueles.
Manuela del Ríu tamién foi actriz de cine: desempeñó'l papel principal en La vida de Adelqui Migliar (1928) y el so propiu personaxe na serie de televisión británica Starlight (1936).
Les sos memories inédites, Bailando ppr el mundo, son un rellatu humorísticu de les sos xires acompañáu de les considerancies d'un profesional de la danza española.
