La periodista María Teresa Álvarez García nació en Candás en 1945. Llicenciada en Ciencies de la Información, foi la primer muyer cronista deportiva na radio asturiana y la primer presentadora del programa rexonal de TVE en Asturies. Trabayó, en períodos de práctiques, nel diariu El Comercio. Collaboró con La Voz de Asturias y nes emisora de RNE n'Uviéu y Radio Popular d'Avilés.

En 1987 aceptó'l so treslláu a Madrid pa desempeñar la subdireición de Cultura y Sociedá de los telediarios de TVE. Un añu más tade dexó la información diaria pa pasar a realizar documentales históricu-divulgativos. Nesta llínea dirixió Viaje en el tiempo, 11 capítulos dedicaos a desvelar los enigmes ya incógnites de Cristóbal Colón; La pequeña España, Vieja 1791 – 1991, programa destináu a recrear la vinculación del compositor Volfgnan Amadeus Mozart con España; Sedarad, la tierra más bella, trés capítulos sobro'l pasáu y el presente de los xudíos sefardites, por cuenta de cumplise los 500 años de la so espulsión d'España; y Mujeres en la historia, serie que consiguió una importante reconocencia n'ambnientes universitarios. Na Universidá Internacional Menéndez Pelayo dirixió un cursu sobro este mesma tema – Mujeres en la historia - y nel añu 2000 otru tituláu El papel de la mujer en la España de los últimos cien años.

En 1999, espublizó la so primer novela La pasión última de Carlos V, que cunta la hestoria de Barbara Bolmberg, que foi la cabera muyer qu'ocupó'l corazón de Carlos V.