Nacho Manzano entamó nel mundu gastronómicu influyíu polos sabores y tradiciones culinaries que na so tierra natal, Les Arriondes, arrodiábenlu.

Familia «Casa Marcial»

Ye ende, na aldega de La Salgar, onde abre les puertes de la so «casa» inaugurando en 1993 Casa Marcial, lo que güei ye un restorán de prestíxu que cunta con dos Estrelles Michelín.

Esti restorán cunta con una reputación intachable, per un sitiu por onde s'asitia, con unes maraviyoses vistes a la Sierra del Sueve, cerca del famosu Mirador del Fitu, y polos sos productos 100% procedentes d'Asturies.

Restorán «La Salgar» en Xixón

Esti asturianu fíxose notar nel mundu de la gastronomía d'una manera silenciosa, pero con muncho esfuerzu. Afaciéndose y modernizándose ensin perder la esencia asturiana en caúna de les sos ellaboraciones. En recibiendo la primera Estrella, siguió trunfando col so restorán «La Salgar» en Xixón, que tien tamién la so primer conmemoración Michelín y nel 2009 llegó la Segunda Estrella a «Casa Marcial».

Y ensin estancase, nos tiempos que cuerren, Nacho Manzano de la mano d'una famosa compañía de seguros, punxeron en marcha una campaña solidaria de Nadal pa partir menúes especiales a aquelles families xixoneses que más sufrieron la crisis de la Covid-19.

Con esta aportación consiguen tantu que persones en riesgu d'esclusión puedan celebrar estes feches d'una manera especial como l'ayuda a la hostelería, unu de los sectores que más se ta viendo afectáu poles restricciones sanitaries.