El pintor Nicanor Piñole nació en Xixón en 1878 y morrió na mesma ciudá cien años dempués. Yá na so niñez manifestó dotes pal dibuxu, polo qu'en 1892 treslladase a Madrid, dempués d'una inicial formación con Ulpiano Alonso, profesor de la Escuela d'Artes y Oficios. Ellí cursó estudios na Escuela Especial de Pintura, Escultura y Grabáu, y foi discípulu de Haes, Dióscoro Teófilo Puebla, Muñoz Degraín y Alejandro Ferrant.

En 1897 envió'l so primer cuadru (Un borracho) a una Esposición Nacional y trés años más tarde treslladóse a Roma, pasando por París. En Roma coincidió colos asturianos Sordo, Prado Norniella y Álvarez Sala. Dempués d'esto, tornó definitivamente a Xixón en 1902, ciudá na que permaneció hasta la so muerte, con 100 años d'edá. Amigu de Valle, yera una persona senciella, qu'en 1924 Pachín de Melás describía como «un home fríu, silenciosu, inconmovible, inalterable». Namás salió de Xixón pa esponer les sos obres en Londres, París y Roma. Anque allegó a delles amueses nacionales, namá llogró una segunda medaya na Esposición Nacional de Belles Artes de 1917 col so cuadru La Barraca. Allegó a les bienales de Venecia de 1930 y 1936 y participó na Esposición d'Artistes Ibéricos de 1925. En 1923 el Congresu de los Diputaos encargó-y un semeya de Melquíades Álvarez y en 1936 y participó na Esposición d'Artistes Ibéricos de 1925. En 1923 el Congresu de los Diputaos encargó-y un semeya de Melquíades Álvarez y en 1936 el Muséu Nacional d'Arte Contemporaneo adquier-y la obra Marineros de Gijón.

En 1936 foi nomáu fíu predilectu de Xixón y diez años más tarde fíu predilectu d'Asturies. Foi tamién Medaya d'Oru al Méritu nes Belles Artes, académicu d'honor pola Real Academia de Belles Artes de San Fernando y Gran Cruz d'Alfonso X el Sabiu. En 1974, cuatro años antes de la so muerte, celebróse una gran esposición antolóxica nel Muséu d'Arte Moderno de Madrid.

En 1989 la so vilba, Enriqueta Ceñal Costales, dona al Conceyu de Xixón una colección de 700 obres y oxetos personales, y dos años más tarde inaugúrase'l Muséu Nicanor Piñole nel edificiu del antiguu Asilu Pola.

Les sos obres, sicasí, nun tuvieron un tratamientu folclorista, tan propiu del paisaxismu asturianu tradicional, sinón que se definieron como un problema de movimientu, de color, lluz y espaciu, interpretáu al traviés d'una pincelada jugosa y bonal.