Nuria Varela Menéndez ye una escritora y periodista nacida en Turón nel añu 1967. Ye esperta en Feminismu radical y violencia de xéneru, profesora y reportera española. Foi Directora del Gabinete del primer Ministeriu d'Igualdá creáu n'España y nomada Directora Xeneral d'Igualdá nel Gobiernu d'Asturies.

Llicenciada en Ciencies de la Información pola Universidá Complutense de Madrid, con un máster n'Estudios Interdisciplinares de Xéneru y máster en Xéneru y Polítiques d'Igualdá ente Muyeres y Homes, dambos pola Universidá Rey Juan Carlos. Trabayó na axencia de noticies OTR, los selmanarios Panorama, Interviú​ Collaboró en publicaciones como Meridiam, Números Rojos, Revista Europea de Derechos Fundamentales, Revista 21 y Contrapuntu d'América Llatina, y cola Cadena Ser. Ye autora de los llibros Feminismu pa principiantes, Íbamos a ser reinas y La voz ignorada. Ana Orantes y el fin de la Impunidá (falando Ana Orantes un casu de violencia de xéneru que marcó la hestoria d'España). Foi profesora convidada del máster d'Estudios Interdisciplinares de xéneru de la Universidá Rey Juan Carlos y profesora convidada nel Títulu d'Espertu/a en prevención contra la Violencia de Xéneru de la Universidá de Castiella-La Mancha. Ye asesora del PSOE. Anguaño, ye directora de la editorial Hotel Papel, investigadora na Universidá Rey Juan Carlos y docente en diversos programes universitarios de posgráu en Polítiques d'Igualdá y Violencia de Xéneru.