Verna | Obrador ensin gluten

En VERNA cuiden los sos productos respetando los procesos naturales d'ellaboración pa consiguir un pan gustoso, equilibráu y saludable. Recuperen el valor nutricional y los sabores d'antaño con ingredientes ecolóxicos. El so suañu ye llevar a los llares una fórmula ensin gluten y ensin lactosa, qu'amás respete les cualidaes del pan artesano tradicional. Con percuru y dedicación consiguieron que los sos panes, amás de ser gustosos, llenos de matices y arumes, seyan aptos pa tola familia. El pan ye un alimentu esencial na nuesa dieta, seya del cereal que seya. Por eso, quieren destacar les sos virtúes, amosando cómo la resultancia ta fuertemente influyíu pola calidá de les materies primes y los sos procesos d'ellaboración y pa ello utilicen ingredientes ecolóxicos, farines integrales y llargues fermentadures… curien del mediu ambiente, ellaborando solo so pidíu pa evitar el bagazu alimentario y envasando con materiales reciclaos y/o reciclables. Obrador online con unviada a tola península. Recibe'l to pidíu en 24 hores dende'l so enfornáu. Dende'l corazón d'Asturies, hasta la to casa.

Dirección: Villa Tecnológica El Sabil Crta, AS-228, Km 12, 33115, Villanueva de Santo Adriano

Teléfonu: 647 85 76 38

Horariu: De llunes a vienres de 8:00 a 15:00 y de 16:00 a 18:00

Dulces Tentaciones & momentos salados

Como reza'l dichu popular, «a naide amárga-y un dulce». Y, ye xusto que tol mundu pueda tener esi momentu de dulzor que toos precisamos a lo menos una vegada al día. Por eso, en DUCES TENTACIONES & MOMENTOS SALADOS encarguense de faelo llegar tamién a los celiacos colos sos productos ensin gluten. Galletes de kinder y chocolate, brownies, bizcuechu marmolado o imperial, arroz con lleche, tarta de casadiella, de afuega’l pitu…y un gran surtíu de galletes con una pinta espectaular. Amás, puedes faete colos sos tarrinos colos ingredientes necesarios pa ellaborar vueses mesmes galletes en casa, un divertimento especial pa compartir colos más peques de la casa. Y, poques gracies, nun falten los productos salaos, como empanaes, bollos preñáivos de chorizu, bollos de quesu azul, pan diario, pan de fogaza… tou llibre de gluten y lactosa pa esfrutar de los tos deseos más duces y salaos de forma saludable. Amás, realicen toa clase d'eventos, como bodes, comuniones, bautizos, cumpleaños… Puedes cuntar con ellos pa quedar xenial nesa xunta especial.

Dirección: C/ Lloréu 5, Xixón

Teléfonu: 625 79 69 62

Horariu: De Martes a Sábadu de 10:30 a 20:00 / Domingos de 10:30 a 14:00

Tiffany & Cake

L'arte de la repostería nun se queda namás nun sabor inolvidable, sinón nuna presentación tan esquisita como la mesma tarta. En TIFFANY AND CAKE, amás de combinar estes dos coses, ellaboren los sos productos ensin gluten, por que tol mundu, ensin esceición, pueda esfrutalo. Les sos tartes son feches por encargu y tán decoraes colos tos personaxes favoritos o los de los tos fíos (Patrulla Canina, Super Mario, Among us…) o con cualesquier otru motivu que te faiga ilusión. Tartes ellaboraes de forma casera, con bien de ciñu y finura en caúna d'elles, curiando que cada detalle quede a la perfección. Unos diseños espectaculares para cualquier eventu. Amás, nun duldes tamién n'esfrutar de los sos pasteles, cupcakes, galletes y güevos de chocolate na temporada de Pascua (tamién con opción de personalizase). Una delicia ensin gluten tantu para la vista como para la boca. Tienen opción para cualquier eventu familiar o corporativu, cumpleaños, bodes, aniversarios, despidíes de soltera, cenes y eventos d'empreses. Faen talleres de reposteria y celebren cumpleaños nes sos instalaciones.

Dirección: C/ Matemático Pedrayes 1, Uviéu

Horariu: De llunes a vienres de 10:30 a 20:00 / Sábados de 10:00 a 14:30

Contactu: 627 86 97 15