Tol mundu conoz los pueblos marineros de Cuideiru y Llastres. Sicasí, Asturies escuende otros llugares con encantu y pureza que nun son tan conocíos. Ye'l casu de Ortigueira, un pequenu pueblu del occidente, nel conceyu de Cuaña. Güei, en VerAsturies, convidámoste a visitalo.
La población de Ortigueira nació por causa de la actividá pesquera del occidente asturianu na Edá Media, como munches de les villes marineres del mar Cantábricu, enclavada nuna bahía natural. Utilizando una peña como puertu, yera común la caza de ballenes y la pesca de llangostes. Cola intensidá pesquera, nació la creación d'un puertu que va tomar les acciones de la mar, güei conocíu como El Ribeiro.
Namás entrar al pequenu pueblu, vas poder ver l'encantu únicu de les tradicionales viviendes onde d'antiguo vivíen los marineros y onde, agora, yá solo queden unos pocos habitantes. En contraposición, la tradición marinera enllaza na parte alta del enclave con diverses construcciones de l'arquitectura indiana. Estes recuerden que los antiguos habitantes trataron de facer fortuna n'América. Ente elles, destaca la Quinta Jardón, símbolu de la riqueza d'ultramar qu'esta familia benefactora de la villa traxo a Ortigueira nel sieglu XIX y que cunta con un xardín francés consideráu como ún de los meyores de toa Asturies.
Amás de too esto, vas poder realizar un prestosu paséu pa conocer l'encantu de los sos dos faros. ¡Sí, dos! Magar de ser un enclave pequenu cuenta con dos. Per un sitiu, l'antiguu tradicional, qu'entá caltien la campana, que se tocaba énte'l pasu de los barcos pola mariña, y el nuevu, adaptáu a la modernidá.
Como nun podía ser d'otra manera, Ortigueira tamién cunta con una capiya. A lo último, el monumentu a los marineros finaos, que representa la garra y valentía d'estes persones. Un llugar únicu y escondíu nel occidente d'Asturies. ¿Anímeste a perdete pola esencia marinera qu'entá guarda?
