L'occidente, eseigran desconocíu de Asturies, guarda xoyes patrimoniales d'incalculable valor y que paga la pena visitar. Un exemplu d'ello ye'l casu que vos traemos güei, Os Teixois, un pequeñu conxuntu etnográficu nel conceyu de Taramundi col que puedes aprender les maneres de vida tradicionales del llugar.
Ye una pequena aldega na que puede afayase un pervalible conxuntu d'inxenios hidraúlicos nel so estáu natural. Esti caseríu que ta a 4km de la villa de Taramundi tien amás de les sos cases y construcciones auxiliares, un importante conxuntu d'inxenios hidraúlicos: mazu, molín, rueda d'afilar, pequena central eléctrica y un batán. La restauración integral d'esti complexu empecipióse en 1989. De magar, los trabayos de rehabilitación asocediéronse, no que constitúi un exemplu de recuperación histórica venceyada al mundu de les manufactures y l'etnografía n'Asturies. Los valores del pobláu llevaron a la so declaración como Bien d'Interés Cultural, cola categoría de Conxuntu Históricu.
Pero espera, qu'entá hai más. Si nun puedes allegar presencialmente, tenemos otra solución y ye que nesti enllaz., vas poder realizar una pequena visita virtual pa conocelo de manera simple. ¡Yá nun tienes escusa pa nun averate!
