Traviesos, guapos, fuertes, buenos, malos, con voz dulce y hasta con bastante mal humor, la mitoloxía asturiana tien sitiu pa tou tipo de personxes. Lo que mostramos güei ye namás qu’una muestra bien pequeña de lo que nos ofrecen estos personaxes milenarios.
Serena
Según cuenten hestories antigües, el mar Cantábricu siempre foi un mar pobláu por serenes. Pescaores del Puntal de Villaviciosa falen d’una mocina que sufrió la maldición de dios o de una má furibunda contra la so propia fía que terminó convirtiéndose’n serena. La serena tien una voz dulce y perprestosa que ye la perdición de los pescadores.
Nuberu
En dalgunos conceyos suroccidentales como Teberga o Sumiedu lo llamen Reñubreiru o en algunos sitios Xuan Cabrita. Vestíu siempres con pieles y ropa vieyo y con un sobreru negru d’ala ancha cubriendo la so cabeza, el nuberu controla les tormentes, atemorizando a les cases de los que quier perxudicar, dende los montes más altos d’Asturies, onde vive. Esti xigantón tan feu (diz el dichu: “Yes más feu qu’un nuberu”) visita les cases con forma humana y protexe o daña les finques según-y trataren bien o mal na so visita.
Trasgu
El nuesu leprechaun particular. Esti pequeñu duende traviesu entretiense entrando nes cases pela chimenea de nueche pa romper, desordenar y cambiar de sitiu les coses de la casa o hasta soltando’l ganáu de la cuadra, anque tamién puede entretenese ordenando coses. Namás podemos llibranos d’él proponiéndo-y facer coses imposibles, ya que piensa que ye infalible y-y presta apostar. Suel ser costume pidi-y tres coses pal librase d’él: traer agua nun paxu, volver blanco un pelleyo negro y traer medio copín de linaza na so mano izquierda, na que tien un gran furacu.
Xana
El símbolu de la mitoloxía asturiana per escelencia. Dícese qu’esta guapa fada de cabellos doraos y blancos ropaxes vive nes fontes y les corrientes d’agua y posee grandes riqueces. Dicen que la nueche de San Xuan sal a peinase con un cepillu d’oru y entrega les sos riqueces a quien seya a lliberala de la so maldición.
