De xuru que más d’una vez visti dalguna de les películes d’animación de Toy Story, pero lo que de xuru que nun conocíes ye que na tercer entrega d’esta saga tan conocida y estrenada nel añu 2010 apaez un actor de doblaxe con raigaños asturianos, concretamente de la ciudá d’Uviéu. Trátase del actor de doblaxe Javier Fernández-Peña, conocíu nel mundu del doblaxe como The voice of Spainy que nesti casu foi l’encargáu de doblar a ún de los protagonistes d’esti mundu d’animación: Buzz Lightyear, l’astronauta que fizo famosa la frase ¡Hasta l’infinitu y más p’alláEsti doblaxe del actor ye na versión orixinal de la obra, onde’l personaxe tien delles frases en castellanu, daqué curiosu, yá que Buzz fala un inglés ordenáu y ensin fallos.
Sicasí, esta nun ye la única vegada que l’actor uvieín ye l’encargáu de llocutar les voces de grandes personaxes del cine. Anque entamó nel añu 1999 (cuando decidió colar pa Londres) con doblaxes en videoxuegos como’l Super Mario Bros, selemente foi medrando nel mundu del doblaxe hasta que consiguió esti papel, doblando enantes, por exemplu, a los superhéroes de Marvel Iron Man y Spiderman o a ún de los personaxes más conocíos del mundu cinematográficu de Steven Spielberg, E.T. l’estraterrestre.
Javier Fernández-Peña ye angüaño ún de les voces más conocíes del doblaxe n’España y la última obra onde podemos alcontrar la so voz ye nel documental de Netflix tituláu El último baileonde pon voz a Marv Albert.
