La ruta del Camín Encantau atopase nel conceyu de Llanes y percuerre distintos pueblos dientro del Valle d'Ardisana. Trata d'una ruta circular d'unos 9 kilómetros de llargor bastante senciella y tárdase aprosimadamente 2 hores en completala. Amás ye apta para realizar con neños.
A lo llargo del percorríu atópense distintes figures de personaxes de la mitoloxía asturiana realizaes pol escultor Pedro Bueno. Toles figures tienen un cartel onde puede lleese'l so nome y hestoria. Dalgunos de los personaxes que pueden vese son: el Nuberu, rei de les agües y de les nubes; el Cuélebre, curio d'ayalgues y princeses; el Busgosu, guardián de los montes o el Diañu Burlón.
La ruta entama nel pueblu de La Venta xunto a la bolera, onde hai un parking habilitáu pa poder dexar los coches. Nel mesmu aparcamiente, atópase la primer figura de la ruta. Tratase d'una reunión de trasgos que dan la bienvenida a iniciar la ruta. A partir d'ahí, deben seguise les fleches qu'indiquen el percorríu y amás, recomiéndase seguir unes señales en forma de palos de color naranxa pa escoyer los caminos correctos.
Siguiendo'l percorríu, vas pasar por pueblos como Gomezán, La Maletería, Ardisana o Riocaliente. Nesti últimu pueblu atópense los dos últimes figures del percorríu: la Manona o la Castañera. Amás, pueden observase'l gran númberu d'horros del pueblu. A partir d'equí, debe de siguise la carretera hasta'l puntu de partida de la ruta.
Encamiéntase llevar calzáu cómodo yá que anque sía una ruta senciella, hai tramu per monte y de desnivel. Ye importante tamién, curiar la naturaleza y les figures que formen el percorríu.
Pa consultar más información y aportar a un mapa de la ruta, puede aportar a este enllaz..
