28 segundos foi'l tiempu que tuvo'l pilotu francés de Fórmula 1 Romain Grojsean envueltu'n fueu dientro del so coche nel Gran Premiu de Bahréin. Mientres ese angustiosu tiempu'l francés trató de salir del so coche y ponese a salvo. Estes imaxes dieron la vuelta al mundu preguntándose munches persones plasmaes cómo Grojsean pudo salir ilesu tres ese espectacular accidente a más de 200 kilómetru per hora. La respuesta ye simple: la gran capacidá de protección del so traxe.
El monu que llevaba'l pilotu funciona como una coraza por llixeru y pegáu al cuerpu que paeza. Ye vital nesti tipu d'accidentes y sirve como traxe ignífugo cuando les llames del fueu son la gran amenaza como nesti casu. El principal material del traxe ye'l Nomex, una fibra de meta-aramida que ye resistente al calor y les llames.
Pero, ¿qué tien que ver Asturies nesto?
Estos traxes de protección producense en la DuPont, n'Asturies. La empresa detalló les característiques del traxe de Nomex, que, cuando s'espón a un calor intensu les sos fibres aumenten de grosez y carbonícense absorbiendo enerxía térmica. Amás estes fibres de Nomex nun favorecen la combustión, lo qu'esclaria cómo Grosjean salió prácticamente intactu de les llapaes qu'envolubraron el so bólidu.
Romain Grojsea foi a salir ilesu gracies tamién a los demás elementos del equipamientu como botes y guantes. El halo, un dispositivu fechu de titaniu, xugó tamién un papel fundamental yá que protexe la cabeza de los pilotos.
La Fórmula 1 controla de manera refecha la vestimienta de los pilotos, yá que ye esencial que tea homologada yá que ye un mediu de protección vital. Un de los organismos autorizaos pola Federación Internacional d'Automovilismu (FIA) pa dar el testar y validái estos monos ye l'Institutu Tecnolóxicu Testil (Aitex) allugáu n'Alcói (Alacant).
