Lara Roguez, l'actual Xefa de Cocina del restorán Karen ArtFod asitiáu nel Acuariu de Xixón, ta escoyida pa competir con otros siete grandes nomes de la gastronomía española pola reconocencia de Chef Revelación en Madrid Fusión.
Tratase del segundu añu consecutivu qu'esta competición cunta con un Asturianu ente los sos participantes. Sicasí, nun ye'l primer premiu pol que se reconoz a esta Asturiana, yá que tamos falando de la Chef del Año en 2020.
Amás, esta chef ye la directora de la Selección Femenina y una integrante de la Junta de Selección. Con ello consiguió convertise na primer muyer que formó parte de la Selección Española de Cocina.
Col so esfuerzu y dedicación, Lara ta consiguiendo facer del restorán en Xixón toa una referencia gastronómica calteniendo les tradiciones culinaries asturianes, con idees sorprendentes col pulpu braseado con picadiellu o la llubina con farsa d'alcachofes y chorizu.
Como últimu proyectu, acaba de diseñar una serie de menúes especiales y únicos pa los Bioparc de Valencia y de Fuengirola, nos que se dexen ver los guiños culinarios que caractericen a la chef.
El próximu dos de xunu va tener llugar la feria gastronómica «Madrid Fusión», de la qu'esperamos Lara sala victoriosa, convirtiéndose na primer muyer asturiana en ganar esti premiu.
