Si lo tuyo ye'l senderismu… esta opción tamién ye pa ti. Ta bien salir a caminar pel monte, pero col fríu que ta faciendo n'Asturies estos díes, seguro que les ganes van menguando adulces. Por eso, pa que sigas calteniéndote activu y ensin tener qu'alloñase enforma de redolaes urbanes, güei te traemos una ruta pa tolos públicos onde esfrutar de les tradiciones navidiegues, como son nesti casu los belenes.

En Villaviciosa celebra esti 2022 la séptima edición de la Ruta de los Belenes, onde puedes visitar hasta nueve construcciones navidiegues a lo llargo de la villa y el conceyu:

  • Belén de la Oliva, na Fundación José Cardín Fernández
  • Belén figures de Olot dende 1880, Belen de Raitana y Belén infantil, na Casa de los Hevia
  • Nacimientu de la Ilesia de Santa María, na Ilesia parroquial de Santa María de Villaviciosa
  • Nacimiento de les Clarises nel Monesteriu de les Clarises
  • Belén en movimientu, nel Muséu de la Selmana Santa de Villaviciosa
  • Belén bíblicu, na Plaza d'abastos de Villaviciosa