Esti sábadu, 11 de xunu, va tener llugar nel parque d'El Floran en SMRA el “V Festival Que Nun Apare” a cargu de l'asociación cultural “L'osu Xabaz.
Dende bien temprano, a les 11h de la mañana, el festival entamará cola apertura del mercáu con más de 20 puestos de artesanía, ropa, productos llocales, comida,... Tres el pistoletazu de salida tamién entamen los xuegos tradicionales a cargu de “6 conceyos” ya hinchables gratuitos pa neñes y neños que taran presentes mientres tol día. Al poco, “Cuatrolan”, bandina del conceyu, amenizará la mañana y l'ambiente del parque cola so música tradicional.
Sobre les 13h van llegar a El Florán, un garrapiellu de scooters clásiques que van tener un requexu d'alcuentru nel festival, y pocos minutos dempués l'asociación “Iniciativa pol Asturianu” realizará una intervención pa facer un respasu de la situación de la llingua asturiana. Pa zarrar la mañana, hai sesión vermú-culete amenizada pol tríu femenín “6 Riales” y los sos cancios populares asturianos.
Pela tarde, magar les 16h, arranca'l espaciu soundsystem coles pinchaes de “Miguina Selektah”, “Lluis” y lxs integrantes de “Allanai” y “Bassturias”. A les 17.30h habrá una charra y taller participativu de Valtu, llucha tradicional asturiana, cola “Lliga Celta d'Asturies”.
Tres too esto, a les 19.30h dará entamu'l primer conciertu col grupu “Banda Gitana” quienes acercarán los ritmos del este y la música gypsy al parque d'El Florán. Y de siguío sedrá'l turnu del grupu “La Tarrancha”, col que baillar a ritmu de cumbia, ska, rock, reggae o la música de raigañu.
Dempués de los conciertos, la música nun apara. Por primera vegada n'Asturies celébrase'l primer meeting de soundsystems asturianes. Dos sistemas artesanales de soníu colos qu'esfrutar de la meyor música d'influencia xamaicana que correrá de la mano de “Allanai Soundsystem”, quienes tienen presencia nel festival dende la primera edición, y “Bassturias Soundsystem”, un colectivu nuevu que llega pisando fuerte.
Toes estes actividaes nun pequeñu festival gratuitu y ensin ánimu de llucru enllenu de cultura y tradición. El sábadu 11 de xunu nun faltes a la to cita... QUE NUN APARE!
