Mio g\u00fcela, una secci\u00f3n na que diverses persones falen de les sos g\u00fceles.<\/p>\n\n\n\n
Mio g\u00fcela Nedi yera una muyer fuerte a la que conoc\u00ed nos sos a\u00f1os m\u00e1s d\u00e9biles, pero que sigu\u00eda teniendo\u2019l puxu d\u2019una personalid\u00e1 de fierro. Cola moced\u00e1 tarazada pola Guerra Civil, ente\u2019l so Xix\u00f3n natal y el Llastres familiar, recordaba de forma viviega los bombardeos de la ciud\u00e1. Yera una muyer fondamente marcada nos sos vezos pola posguerra, como toa una xeneraci\u00f3n. \u201c\u00a1Forra con pan!\u201d, dic\u00edame cuando de ne\u00f1u yera ruin y nun acompa\u00f1aba con ello les com\u00edes. En casa, mio p\u00e1 siempres cuenta que yera vezu, tov\u00eda nos a\u00f1os setenta, entamar la comida col pan duro del d\u00eda anterior, pa poder acceder a la barra del d\u00eda. Nada pod\u00eda desaprovechase en casa.<\/p>\n\n\n\n
Nedi estudiara na Escuela Comerciu de Xix\u00f3n hasta la Guerra y dempu\u00e9s asumi\u00f3\u2019l papel que\u2019l r\u00e9xime acutaba pa les muyeres, xestionando la casa con un control total sobre les cuentes, que ten\u00eda fama de xestionar perbi\u00e9n, pues pag\u00f3 la hipoteca enantes de terminar el plazu marc\u00e1u. Ser una muyer fuerte nun impid\u00eda que fuera sensible enforma. Recu\u00e9rdase na familia como al cambiar de casa y cuando diben a firmar la compra\u2019l pisu nuevu, la nueche anterior, ella taba llorando. Mio g\u00fcelu Poldo entrug\u00f3-y qu\u00e9-y pasaba. El cementeriu del Sucu v\u00edase per una ventana. Nun mercaron aquel pisu a la fin. <\/p>\n\n\n\n
Conociera a mio g\u00fcelu Poldo, y anque los dos viv\u00eden en Xix\u00f3n, nel Llastres familiar de los dos, nuna fiesta de San Roque y al llau del xibl\u00edu de la quema del Xigante. Nedi ten\u00eda fama de ser mui estricta nel cortexu y de que llantaba dalguna qu\u2019otra gofetada a los llastrinos que s\u2019arimaben m\u00e1s de la cuenta baillando. <\/p>\n\n\n\n
Conocida pola so sincerid\u00e1 aplastante, nun fux\u00eda del conflictu o la discusi\u00f3n si de dicir la verd\u00e1 se trataba. El so temperamentu fac\u00eda que fuera habitual n\u2019ella la espresi\u00f3n \u201c\u00a1Chinflos de gaita!\u201d, cuando se-y llevaba la contrar\u00eda o nun se-y fac\u00eda casu. Lo que m\u00e1s-y prestaba yera facer traxer pa les mo\u00f1eques barriguitas y tex\u00eda unes mantes perguapes. Pel branu diba a la playa San Llorienzo, onde compart\u00eda caseta con otres familiaries. <\/p>\n\n\n\n
Nos \u00faltimos a\u00f1os la enfermed\u00e1 foi impidi\u00e9ndo-y dir a la caseta, facer vida normal, la movilid\u00e1 y hasta la capacid\u00e1 de falar, que foi perdiendo hasta la totalid\u00e1 mientres s\u2019engurriaba y se diba apagando. Nos \u00faltimos meses de la so vida, cuando y\u00e1 nun yera a articular pallabra, mio p\u00e1, que s\u2019iniciaba ent\u00f3s nel mundu de la cocina, prepar\u00f3 en casa de mios g\u00fcelos una merluza al fornu con desastrosu result\u00e1u. Anque-y costaba abondo sacar una sola pallabra, cuando mio p\u00e1-y entrug\u00f3 qu\u00e9-y paec\u00eda la merluza. Sac\u00f3 fuercies pa dicir les que depu\u00e9s sedr\u00eden les \u00faltimes pallabres que pudo pronunciar: \u201cEsto ye comida de gochos\u201d. La risotiada foi xeneral y ella sorri\u00f3. Tov\u00eda ye un recuerdu guapu que resona cuando-y sal mal un platu a mio p\u00e1, y que nos fai recordar a mio g\u00fcela y el so car\u00e1cter. \u00a1Cu\u00e1nto la echamos en falta!\u00a0<\/p>\n\n\n\n
Inaciu Gal\u00e1n<\/strong><\/p>","protected":false},"excerpt":{"rendered":" Mio g\u00fcela, una secci\u00f3n na que diverses persones falen de les sos g\u00fceles. Mio g\u00fcela Nedi yera una muyer fuerte a la que conoc\u00ed nos sos a\u00f1os m\u00e1s d\u00e9biles, pero que sigu\u00eda teniendo\u2019l puxu d\u2019una personalid\u00e1 de fierro. Cola moced\u00e1 tarazada pola Guerra Civil, ente\u2019l…<\/p>","protected":false},"author":1,"featured_media":4650,"comment_status":"open","ping_status":"open","sticky":false,"template":"","format":"standard","meta":[],"categories":[607],"tags":[],"yoast_head":"\n