Marzu puede definise como'l mes de la muyer, por cuenta de que'l 8 d'esti mes celebrase'l «Día de la Muyer». Por ello, queremos dedicar la publicación de güei a facer una pequeña reconocencia a aquelles muyeres asturianes que dexaron buelga na hestoria.
Julia Alcayde Montoya
Asturiana nacida en 1855 en Xixón, ye considerada la primer muyer pintora d'Asturies según apaez na base de datos Muyeres Asturianes Destacaes.
Participó en diverses esposiciones nacionales de Belles Artes coles que llogró diversos premios y galardones. Les sos obres básense na representación de retratos, paisaxes anque la reconoz principalmente polos sos bodegones y naturaleces muertes.
La gran cantidá de galardones qu'acumuló a lo llargo de la so trayectoria faen que Julia Alcayde seya l'asturiana que más medalles obtuvo nes Exposiciones Nacionales de Bellas Artes. Anguaño naide consiguió arrebatá-y esti puestu.
_______________________________________________________________________________________________________
Enriqueta González Rubin
En Santianes de Molenes, Ribesella, nació en 1877 la que diba ser una muyer pionera n'escribir les sos obres na llingüa asturiana.
Empecipió nun momentu nel que la situación de la muyer nel mundu llaboral nun yera nada fácil, y muncho menos nel sector de la lliteratura y nuna llingua, l'asturianu, que pocos taben acostumaos d'utilizar.
Les sos obres trataben sobro les desigualdaes de les muyeres na sociedá y col tiempu llogró una popularidá considerable hasta'l día de güei nel que se celebren los Premios Enriqueta González Rubín de Periodismu» nel so honor.
_______________________________________________________________________________________________________
Eloísa Marcos Quintana
Eloísa nació en Mieres nel añu 1962. Empezó na ximnasia cuando solo tenía 11 años y, na so categoría aportó a campeona infantil nacional.
Nunca dexó'l deporte, yá qu'empezó los estudios de INEF y llegó a llicenciase d'ello unos años más tarde.
Eloísa es reconocida por su participación en las Olimpiadas de Montreal de 1976, la primera atleta femenina asturiana en esta categoría.
Anguaño, sigue relacionada cola ximnasia rítmica, yá qu'exerce como xueza internacional.
_______________________________________________________________________________________________________
Alicia Salcedo
Nació en 1903 na capital asturiana, conocesela como la primer muyer asturiana abogada. Alicia llicencióse na Universidá d'Uviéu con escelentes calificaciones.
Nel añu 1935 incorpórase nel colexu d'abogaos d'Uviéu, lo que la convirtió n'una pionera d'esta actividá n'Asturies, yá que hasta entós nun se conocía a nenguna muyer nun puestu de tal calibre.
Exerció esta profesión durante dos décades, calteniendo a la par una intensa actividá cultural ya intelectual, dexando buelga na hestoria de les muyeres asturianes.
