Nun ye d'estrañar que'l ser asturianu va amestáu al ésitu y estes cuatro famoses son el claru exemplu d'ello.

Paula Echevarría

Nacida en Candás en 1977, esta asturiana saltó a la fama con pequeñes apaiciones en conocíes series como «Compañeros», «Al salir de clase» o «Policías».

Foi parte tamién d'obres de teatru como «Diez Negritos» y de programes de televisión como «London Street».

Llegó a la gran pantalla protagonizando películes como «Sangre de Mayo» y el so ésitu culminó cola famosa serie «Velvet», al pie de Miguel Ángel Silvestre.

Acorde a los tiempos que cuerren, ye conocida pol so trabayu de Influencer, yá que ye una de les actrices españoles con más siguidores nes redes sociales.

_______________________________________________________________________________________________________

Lara Álvarez

Xixonesa dende 1986 ye mundialmente conocida por ser la co-presentadora del reallity show «Supervivientes».

Se lincenció en Periodismu nel Centru Universitariu de Villanueva y formó parte de programes bien aclamaos pola audiencia como «Jugones» o «Espejo Público«.

La so reconocencia dio-y la oportunidá de retresmitir les campanaes del fin d'añu en delles ocasiones.

Anguaño, compaxina estos trabayos cola activa presencia que caltien nes redes sociales.

_____________________________________________________________________________________________________

Paula Prendes

Siguimos per Xixón y destacamos el pasu de l'asturiana Paula Prendes en televisión. Nacida en 1983, esta actriz, presentadora y periodista ye bien conocida pola so apaición na serie «Somos cómplices», de la que formó parte en casi 100 capítulos.

Saltó a la fama col so papel principal na película española «Fuga de Cerebros 2, Ahora en Harvard» y caltuvo el so ésitu con participaciones en series aclamaes como «Águila Roja» o «Los Hombres de Paco».

Anguaño ye presentadora del programa de TVE «Prodigios», dempués de collaborar en «Zapeando» y pasar pol famosu concursu «MasterChef Celebrity».

_______________________________________________________________________________________________________

Blanca Romero

Cerramos esti Top4 ensin movenos de Xixón, onde nació esta famosa actriz, cantante y modelu en 1976.

Blanca Romero fixo'l so primer desfile nuna boutique de Xixón, lo que diba ayudala a debutar como modelu hasta treslladase a la famosa ciudá de la moda, París.

La so carrera como cantante tuvo una curtia duración, pero tres unos años saltó a la fama televisiva debutando como Irene Calvo, una de el profesores de la serie xuvenil «Física o Química».

Como yera d'esperar, Blanca foi nomada en 2010 al Goya a la «Mejor Actriz Revelación», pol so papel na película española «After», el so primer debut na gran pantalla que culminaría cola película «El Amor no es lo que era», estrenada nel 2013.