Nun ye d'estrañar que'l ser asturianu va amestáu al ésitu y estos cuatro famosos son el claru exemplu d'ello.

Javier Gutiérrez

Nacíu en Lluanco en 1971, Javier Gutiérrez ye un actor de teatru, cine y televisión español.

Empezó participando en grupos de teatru na so etapa nel institutu. A los 19 años traslladose a Madrid pa estudiar interpretación.

Foi nel añu 2000 cuando saltó a la fama, col so debú nel cine na película «El otro lado de la cama«. Participó en numberoses series y películes ente les que destaquen «Los Serrano«, «Águila Roja» o «Campeones«.

Foi galardonáu con dos Premios Goya poles sos actuaciones en «La Isla Mínima» nel añu 2014 y «El Autor» nel 2018.

Anguaño sigue trabayando n'importantes proyectos cinematográficos como ye la película «Bajo Cero» de la plataforma Netflix.

_______________________________________________________________________________________________________

Juanma Castaño

Comentarista deportivu xixonés nacíu en 1977.

Empezó la so carrera con participaciones nun programa en SER Xixón, «Jóvenes y Campeones«, y darréu en «Carrusel Deportivo» comentando los partíos del Real Sporting. Más tarde, foi presentador del programa deportivu nocherniegu de la Cadena ACOPE.

Nel so percorríu en televisión, Juanma Castañu presentó la sección de deportes de noticies de la canal Cuatro mientres les fines de selmana. Años mas tarde, rompió'l so contratu llaboral cola cadena y empezó dirixir «El Partidazu» na cadena Movistar +, nel que sigue trabayando anguaño.

_______________________________________________________________________________________________________

Antonio Lobato

Nacíu n'Uviéu nel añu 1965, Antonio Lobato ye un periodista deportivu y presentador de televisión con una gran trayectoria.

La so carrera profesional empezó na sección de noticies de deportes del diariu ABC. Dempués, trabayó na radio como cronista d'acontecimientos deportivos como los Xuegos Olímpicos de Barcelona del 92 o delles ediciones de la vuelta ciclista.

Años mas tarde, entamó la so trayectoria de televisión como presentador de la sección deportiva de les noticies de la cadena Telecinco.

Nel añu 2004, empezó a retresmitir les carreres de Fórmula 1, y amás , pudo narrar los dos primeros títulos mundiales del pilotu asturianu Fernando Alonso. Anguaño, sigue narrando los Grandes Premios de Fórmula 1 en Movistar.

_______________________________________________________________________________________________________

Mario Álvarez

Cantante, compositor y presentador de televisión uvieín, nacíu en 1985.

Dende pequeñu foi miembru de grupos musicales nos que daba pequeños conciertos colos sos compañeros. Nel añu 2004 empezó la so etapa como vocalista na Orquesta Grupu Tekila, una de les orquestes más famoses d'Asturies.

Años dempués, llogró ganar el famosu concursu musical «Operación Triunfo». El xuráu del programa valoró bien positivamente tantu la so capacidá vocal como los sos movimientos sobro l'escenariu. Al ganar esti programa, tuvo la oportunidá de producir el so primer discu con una famosa discográfica.

Anguaño, ye presentador del programa «Orquesta Siglo XXI» en TPA dende 2014, programa qu'anguaño lleva siete temporaes n'emisión. Tamién ye vocalista principal de la «Orquesta Panorama» dende l'añu 2016.