Carmen López

Carmen ye una deportista de 23 años con una particularidá que fai entá más especial el deporte que practica: ye ciega. Surfista uvieín apasionada del mar al que siente que la trata de la mesma manera qu'a otres persones. Carmen ye un exemplu de superación siendo la primer española invidente en ganar el campeonatu del mundu de surf na categoría AS-6 pa persones con discapacidá.

Carmen nun ta sola na mar, el so entrenador siempres la acompaña emponiéndola y dándo-y instrucciones d'una manera bien especial: con xiblíos unu derecha y dos esquierda

Rocío Gamonal

Rocío Gamonal ye esperta nel ciclismu na modalidá de monte y ciclocrós. Nacida en Siero nel añu 1979 destacó nel ámbitu internacional ganando nel añu 2005 en Livigno, o'l campeonatu mundial de campu al traviés por relevos, el so títulu internacional más representativu. Esti nun ye l'únicu titulo de la sierense. Nel so palmarés atesora 6 campeonatos d'España y dos Subcampeonatos.

Tres el so retiru Rocío nun colgó les cales sinón que siguió entrenando y esfrutando d'esti fantásticu deporte llogrando ganar na categoría de 35-39 años el campeonatu mundial de campu al traviés.

María Lopez

Nacida en Xixón nel añu 1990 ye la capitana del combináu nacional de hockey hierba y una de les meyores xugadores españoles na so posición. Entamó dende bien pequeña nesti deporte nel RGCC antes de treslladase al centru d'altu rendimientu de Madrid, onde compatibilizó la so pasión colos estudios n'Alministración y dirección d'empreses. Anguaño milita nel Club de Campu.

Nel ámbitu internacional María disputó unos xuegos olímpicos, dos campeonatos del mundu col so meyor rexistru nun tercer puestu nel añu 2018 y 4 campeonatos d'Europa con un tercer puestu nel añu 2019.

Toña Is

María Antonia Is ye una Uvieina que foi Exfutbolista y Exselecionadora nacional sub 17 y anguaño ta dirixiendo'l combináu de la primer división mexicana femenina Pachuca Femenil. Los sos entamos nel fútbol como xugadora foi xugando colos sos hermanos nel so barriu natal hasta que con 14 años empezó a xugar de manera federada con un grupu d'amigues del barriu. L'añu 1989 queda grabáu nel corazón d'esta uvieina yá que foi'l primer añu na que vistió la elástica nacional onde se-y recuerda grandes fazañes como'l 17-0 a Eslovenia y el tercer puestu nel campeonatu d'Europa.

Na so otra faceta d'entrenadora Toña empecipió nes categoríes inferiores del Uviéu Modernu hasta que llogró dar el saltu a la selección, siendo la primer entrenadora de la Federación. Nel so palmarés destaca'l campeonatu d'Europa sub 17 que gano nel añu 2018