Asturies ta enllena d’hestories y de llugares. Y de llugares con hestoria. Esos requexos que fueron escenarios de momentos tan especiales que visitalos ye cuasi como ser espectador en directu d’ellos.

Cueva del sidrón

La cueva del sidrón ta situada en Boriñes, un pueblu que podemos atopar nel conceyu de Piloña. Nun vas a topar una hestoria más antigua en ningún llugar d’Asturies yá que equí tán los restos humanos más antiguos: 200.000 años d’antiguedá. Falamos, claro, del home del sidrón, un primate con ADN neandertal anque con rasgos d’Homo Heildebergensis.

Nesta cueva de la falda del Sueva pueden vese tamién pintures rupestre, que pola so composición y por cómo se aprovecha la paré pa les sos representaciones, munchos sitúen nel paleolíticu superior.

Termes Romanes de Campu Valdés

En Xixón, delantre de la ilesia de San Pedro, bien cerca de la mar, atopamos los restos de les termes romanes de Campo Valdés. Un de les termes más importantes del norte de la península onde podemos atopar tamién restos de la muralla de la ciudá.

Estes termes paez que daten de finales del sieglu I d.C. y tuvo n’activu pelo menos hasta’l sieglu IV, contando con una reforma y amplición de les sos instalaciones nel sieglu II d. C.

Paez que contaba con tres zones: una zona fría (frigidarium), una templada (tepidarium), y otra cálida con una piscina calentada mediante un sistema de calefacción subterráneu, amás d’una zona de vestuarios. Les paredes taben decoraes con frescos. Decubrióse por accidente nel añu 1903.

Casa de Carlos V

El 19 de setiembre de 1517 el entós príncipe Carlos desembarcó nel pueblu de Tazones de forma inesperada, yá que nun yera el destín que teníen previsto. Les males condiciones del mar llevaron-y a él y a la so corte a les nueses costes.

Nun primer momentu, les xentes d’esti pueblu pesqueru pensaren que se trataba d’un ataque de pirates, pero cuando vieron que yera Carlos V, y recibiéronlu con una gran fiesta improvisada. Sicasí, como nun había sitiu pa tanta xente noble, decidieron que Carlos V durmiera en Villaviciosa durante tres díes, nuna casa que lleva restaurándose entá agora tras dellos sieglos y qu’ofrez una visita al so interior, y al cuartu onde dormió l’emperador Carlos V que ye bien interesante.

La ponte'l besu

Anque, a diferencia del restu d’hestories d’esti artículu, esta nun ta nin muncho menos confirmada, sí que ye una hestoria chocante. Según esta hestoria una fortaleza de L.luarca recibía ataques constantes d’un feroz pirata nomáu Cambaral.

L’home d’esta fortaleza, fartu d’estos ataques mandó a los sos soldaos vixilar el puertu antroxáos de pescadores. Cuando Cambaral atacó, los falsos pescadores apresaron a los pirates, Cambaral incluyíu. La fía del home d’esta fortaleza pidió dir a curar les mancaures del pirata, y acabaron enamorándose. Cuando curó, decidieron escapar, y quedaron nel puertu llisto pa dir a vivir xuntos, pero el so pá pillolos. Los enamoráos diéronse un últimu y apasionáu besu y el pá, furiosu pola traición, corto-yos la cabeza a los dos, de los que los llabios nun se separaren. Dicen que ehí onde cayeron les cabeces llevantóse esta ponta, conocida dende entós como “La ponte’l besu”.