El Parque Natural y Reserva de la Biosfera de Ponga ye unu de les grandes ayalgues ocultes d'Asturies. Montes ablucantes, frondoses viesques y pueblos con encantu converten esti espaciu protexíu nun destín ideal pa quien busque naturaleza n'estáu puru.
Nesti artículu proponémoste cinco planes imprescindibles pa esfrutar de la so redolada, yá seya al traviés de rutes de senderismu, miradores o paisaxes únicos que te van dexar ensin palabres.
1. Percorríu pel Escobiu de los Beyos
Trátase d'unu de los escobios más espectaculares del cordal Cantábricu. De d'unos 20 kilómetros, foi esculpíu pola erosión del ríu Seya que flúi a lo llargo del cañón. Les sos parés verticales lleguen a algamar los 1000 metros d'altor. Pa los qu'esfruten de la conducción, la carretera N-625 traviésalu, ufiertando un percorríu escénicu pa facer en coche o parar en dellos miradores.
Pa senderistes, destaca l'antigua Sienda del Carteru, que xune les aldegues de Casielles y El Beyu, usada tradicionalmente pa repartir el corréu y d'ehí'l so nome. Casielles, ye un pueblu de cases tradicionales al que s'apuerta per una carretera con 23 curves. Ta a 800 metros d'altor y ufierta espectaculares vistes panorámiques.
Mientres el percorríu pueden reparase aves rapaces como l'alimoche y el frangüesos yá que esa ye la so redolada natural. La zona ta declarada Zona d'Especial Protección para les Aves (ZEPA) y Llugar d'Interés Comuñal (LIC).
2. Senderu al Monte de Peloño y Vega de Arcenoriu
Esti tremendu fayedal de mas de 15 kilómetros cuadraos ye de los más grandes del norte d'España. S'accede dende'l mirador de Les Bedules, cerca del pueblu de San Xuan de Beleñu. El camín ta señalizáu y ye de dificultá media, por cuenta de que l'itinerariu completu ronda los 20 kilómetros d'ida y vuelta, anque hai variantes más curties. El tiempu de duración ronda les 8 hores y media.
La ruta traviesa un paisaxe de fayedales centenarios, pacionales y pequenes parceles de pastores. Ye un llugar ideal pa ver fauna xabaz, como venaos, corzos, xabalíes y, con suerte, urogallos. Na seronda, el monte ufierta un espectáculu cromáticu impresionante, lo que lo convierte nun destín mui popular. La ruta puede estendese hasta la Vega d'Arcenoriu, un antiguu pasu ganaderu con una pequena ermita y panorámiques ablucantes de los Picos d'Europa.
3. Ruta circular del Valle del Ponga (PR AS-213)
Ye una de les rutes circulares que meyor representa al conceyu yá que pasa per pueblos y montes onde puede apreciase la cultura tradicional de Ponga. Destaca la vista del Valle del Ponga, unu de los paisaxes más verdes y xabaces del parque. El percorríu ye de dificultá media por cuenta de que consta de 16 kilómetros y hai xubíes suaves y baxaes. El tiempu de duración ta ente les 6 y les 7 hores en total.
Si falamos de zones naturales, traviésense carbayeres, zones de campera y dellos miradores naturales. Los pueblos pelos que pasason San Xuan de Beleñu, Abiegos y Sobrefoz. San Xuan de Beleñu, capital del conceyu, ufierta dellos servicios turísticos y un centru d'interpretación del parque. En Abiegos pueden vese horros, paneres y exemplos d'arquitectura popular asturiana.
4. Ascensión al Picu Pierzu (1.552 m)
Ye un puntu icónicu pa los montañeros locales, yá qu'actúa como escelente mirador dende'l cual puede almirase tol conceyu de Ponga. Accédese dende la Collada Llomena, asitiada a unos 1000 metros d'altitú na cual hai aparcamientu disponible. El llargor de la ruta ye de 6 kilómetros y mediu d'ida y vuelta, y tárdase ente 3 y 4 hores en rematala.
El camín xube ente carbes, pacionales y zones rocoses hasta algamar el cumal, que tien forma piramidal y dende la que s'esfruta d'una vista panorámica de los Picos d'Europa, el Sueve y los valles de Ponga. El cumal tien forma piramidal y ye un puntu icónicu pa los montañeros locales.
5. Picu Tiatordos (1.951 m)
El Tiatordos, tamién conocíu como “el monte perfectu” pola so redolada y les vistes qu'ufierta, ye unu de los picos más emblemáticos del parque. La ruta ye esixente. Son alredor de 14 km y 1.200 m de desnivel positivu. El tiempu pa completala ye d'alredor de 7 hores d'ida y vuelta. Ye de dificultá media a alta, debíu al desnivel, pero ensin dificultaes técniques importantes.
La xubida más común aníciase en Pendonos, yá nel Parque de Redes, pero tamién puede llegase dende Riola. Dende la cume tiénense vistes privilexaes del Macizu Occidental de los Picos d'Europa, el Sueve, Redes y los valles del Nalón y del Seya.
