Restaurante El Fartuquín

El restorán EL FARTUQUÍN ye un rincón d'Uviéu ónde'l productu, ye lo más importante. Destacar que Mary (la propietaria) pertenez al Club de Guisanderas, polo que alli los celíacos van poder esfrutar de la meyor comida tradicional asturiana. Equí nun van faltar, dende una fabada con fabes de la granxa de la meyor calidá (con  escelente compangu de gochu asturianu y una cocción a poco fueu), hasta'l clásicu cachopu de xata, ellaboráu col mesmu mimu. Como postre, destaca'l frixuelo especial fartuquín, bañáu en chocolate y arrodiáu de nata montada. Tou con una carte 100% llibre de Gluten y col certificáu de Restorán llibre de gluten que cada añu otorgar ACEPA, l'Asociación de celíacos d'Asturies. Una prueba de que la salú nun ta reñida con esfrutar d'un gran sabor.

Dirección: Calle Carpio 19, Uviéu

Horariu: De llunes a sábadu de 12:00 / 16:00 y de 19:30 a 00:00

Contactu: 985 22 99 71

Meraki

En plenu cascu antiguu d'Uviéu, nuna de les places más emblemátiques de la capital asturiana,  tenemos el restorán MERAKI, un llugar distintu pa paladares inconformistes. Si busques una bona relación calidá/preciu y una carta orixinal, variada y rica, avalada pola ACEPA, ésti ye'l to llugar. Los sos platos componense de raciones arrogantes, aclamaes polos sos veceros, como l'arroz canalla con chipirones (ún de los platos más allabaos), noodles con pitu, calamares, hamburgueses (un pidíu bien popular) ya inclusive cachopu. Una carta heteroxénea con toques de comida llocal, mexicana o inclusive asiática, a la que vas querer volver pa nun perdete nengunu de los sos platos. Eso sí, encamentamoste acutar con antelación pa asegurate que puedas esfrutar d'esti paraísu pa los celíacos y la so carta 100% ensin gluten, porque les meses “vuelen”. Si tanta xente quierlo probar va ser por dalgo, ¿verdá que prúi afayalo por ún mesmu?

Dirección: Plaza del paraguas, s/n, Uviéu

Horariu: Tolos díes de 12:00 a 00:00

Contactu: 984 39 30 44

El Rinconín

Si quies comer fuera y, amás, sentite como en casa, EL RINCONÍN (Avilés) ye una bona opción. Un llugar nel que vas quedar pol gran ambiente cercanu y familiar qu'ufierta'l so equipu y, vas volver pola so estupenda comida casero. Los sos platos, al igual que'l so entornu, definese nuna frase: “senciellu pero escelente”. Ensin grandes “floritures”, vas esfrutar de productos de primera fechos como en casa con una incuestionable relación calidá/preciu. Tantu si quies pasar una nueche de “picoteu” con amigos, esfrutar de los sos pinchos y tapes variaes o pa una celebración con una bona cena. Ellí vas poder comer platos como, cachopu, paella (por encargu),  fabada, chipirones  y, sobremanera, aquellos productos frescos de temporada  que puedas atopar nel mercáu. Agora, por casu, pueden ufiertar delicioses cogordes…Y tou, por supuestu, aptu para celíacos. Un llugar idílicu pa salir y tar como en casa.

Dirección: C/ González Abarca, 10, Avilés

Horariu: De llunes a vienres de 9:00 a 00:00 y sábados y domingos de 11:00 a 00:00 (xueves pesllao por descansu)

Contactu: 985 56 48 73

Las Terrazas del Pery

Hai díes que, amás d'una bona comida, busques la tranquilidá y el bienestar. Comer nuna redolada con unes vistes que faigan que te escaezas de cualquier problema y onde deseyes que'l tiempu se conxele nesi intre. Una combinación que en TERRAZAS DEL PERY ponse a la to disposición. Con un increíble balcón al Cantábricu que te va somorguiar nes sos fantástiques vistes a la sablera de San Llorienzo mientres esfrutes del so ampliu menú: carnes y pexes al caricote de lleña, gran variedá de pizzas y ensalaes, arroces, paelles, fideuás, hamburgueses d'ellaboración mesmu Tou por que toos puedan esfrutar nun ambiente apto para tola familia, con zona infantil y onde les mascotes son bienveníes. Amás, disponen d'una amplia carta ensin gluten que va faer les delicies de los paladares más esquisitos.

Dirección: Avda. José García Bernardo, Xixón

Horariu:  Tolos díes de 12:00 a 00:00 (miércoles pesllao por descansu)

Contactu: 985 13 47 73

El Patio de los Naranjos

A tol mundu gústanos viaxar y, para ello,  esisten munches formes distintes. N'ocasiones, nun ye necesario facer la maleta, sinón que basta con usar el nuesu paladar. Ye daqué qu'en EL PATIO DE LOS NARANJOS tienen bien claro, pos consiguen qu'al traviés de los sos platos,  puedas tresportate a un ambiente totalmente distintu ensin llevantate de la mesa. La so cocina caribeña te va faer esfrutar de prestoses nueches sía como quier el tiempu fora, gracies a les sos sales climatizaes. Unes delicies caribeñes y una cocina mediterránea, que va llevar a la to boca unos sabores distintos. Acuta la to mesa o esfruta na to casa pidiendo para llevar y déxate sosprender polos sos sabrosos platos y una gran ufierta de bébores fresques, tou aptu para celiacos. 

Dirección: C/ Jovellanos 4, Oviedo/Uviéu 

Horariu: De martes a jueves de 12:00 a 17:30 y de 19:30 a 00:00 / viernes y sábado de 12:00 a 18:00 y de 19:30 a 1:00 / domingos de 12:00 a 17:30

Contacto: 985 22 79 09