Aitana nació en Llangreu en 1980, pero traslladose a Madrid años más tarde pa llicenciase en Periodismu pola Universidá Complutense. En volviendo a la so tierra natal el so percorríu profesional foi al traviés de los grandes periódicos asturianos, siendo redactora en La Nueva España y La Voz de Asturias, xefa editorial de La Cuenca del Nalón y, anguaño, coordinadora de la sección de noticies de Radio Televisión del Principado de Asturias.
Per otru llau, collaboró en A7 o Asturias24, redactó delles publicaciones sobre'l periodismu n'Asturies y Galicia y fixo aportaciones pa delles revistes con artículos rellacionaos cola minería, les cuenques mineres o'l movimientu obreru.
Les sos publicaciones pinten tantu de negru carbón qu'en 2018 publicó, xuntu al ilustrador Alfonso Zapico «Los niños de humo», un llibru que rellata la hestoria d'aquellos homes y muyeres asturianos que vivieron la minería asturiana de primer mano, escritu ya ilustráu por dos niños de fumu.
Tal foi l'ésitu d'esta narrativa que nel marcáu añu de la crisis sanitaria Aitana volvió faese sonar y publicó'l so segundu llibru, acompañada otra vegada por Alfonso Zapico, «Carboneras». Nesti llibru fai especial fincapié na vida d'aquelles muyeres que trabayaben na solombra de la mina, demostrando la importancia que tuvieron a lo llargo de la hestoria d'aquelles güeles, madres, fíes y vecines que morrieron coles cuenques mineres metíes nel corazón. Fai una interesada alusión a les noveles d'Alfonso Zapico, yá que ta ambientada nun llugar ficticiu propiu de la so famosa triloxía «La Balada del Norte».
Por esto, Aitana foi la galardonada col postreru «Premio 8 de Marzo» gracies a la so entrega na llucha pola igualdá de la muyer nos medios de comunicación y la brecha salarial, pero sobretoo por devolver a la memoria a tou un grupu de muyeres que taben presentes na hestoria de la minería asturiana.
